Կայացել է Ռոնալդուի գրքի հայերեն հրատարակության շնորհանդեսը
Երեկ՝ սեպտեմբերի 19-ին «Opera Suite» հյուրանոցում կայացել է իտալացի անվանի լրագրող, գրող, մի շարք բեսթսելերների հեղինակ Լուկա Կայոլիի՝ Ռոնալդուի գրքի հայերեն հրատարակության շնորհանդեսը:
Ինչպես հայտնի է, «Ռոնալդու. Կատարելության տենչով» գիրքը հրատարակել է «newmag» ընկերությունը: Հրատարակչական ծրագրի ղեկավարը Արտակ Ալեքսանյանն է:
Անգլերենից թարգմանել է Լիանա Զաքարյանը, իսկ թարգմանության խմբագիրը Վասակ Դարբինյանն է: Ծանոթագրությունները՝ Արմեն Նիկողոսյանի, սպորտային վերիֆիկանտը Գրիգոր Ավետիսյանն է:
Նախագծի գլխավոր հովանավորը «Digitain» ընկերությունն է:
Գրքի շնորհանդեսին ներկա են եղել սպորտային լրագրողներ, ֆուտբոլային աշխարհի ներկայացուցիչները, լեգենդար հայ ֆուտբոլիստ Խորեն Հովհաննիսյանը և այլք:
469-էջանոց գիրքը արդեն հասանելի է հայ ընթերցողներին: «Newmag» և «Բուկինիստ» ընկերությունների միջև բացառիկ համագործակցության շնորհիվ սեպտեմբերի 19-21-ը՝ միայն երեք օր, գիրքը կվաճառվի «Բուկինիստի» Մաշտոցի պողոտայում գտնվող գրախանութում։ Հատուկ եռօրյա ակցիայի համար կտեղադրվի Կրիշտիանու Ռոնալդուի մակետը՝ սելֆիի համար: Արժեքը՝ 5800 դրամ է:
Տարածել
Կարդա նաև
Հրատարակվել է «Համապարփակ անվտանգություն․ Հայաստանի այլընտրանքը փոփոխվող աշխարհում» գիրքը
«ՀԱՄԱՊԱՐՓԱԿ ԱՆՎՏԱՆԳՈՒԹՅՈՒՆ․ ՀԱՅԱՍՏԱՆԻ ԱՅԼԸՆՏՐԱՆՔԸ ՓՈՓՈԽՎՈՂ ԱՇԽԱՐՀՈՒՄ» ․ ՇՆՈՐՀԱՆԴԵՍ-ՔՆՆԱՐԿՈՒՄ ԿԼԻՆԻ
Թուրք պատմաբան Թաներ Աքչամի «Ցեղասպան պետության ակունքներ»-ում․ նորաստեղծ Թուրքիայի Հանրապետության իրական դեմքը
«Վիրավոր արծիվը»․ Արցախյան պատերազմը՝ շվեյցարացի ֆոտոլրագրողի աչքով ու գրչով