ՀՀ արտաքին գործերի նախարարի տեղակալ Պարույր Հովհաննիսյանը մասնակցել է «Ֆրանկոֆեստ» փառատոնի հանդիսավոր բացման արարողությանը
10/14/2024
Հոկտեմբերի 12-ին Երևանում ՀՀ արտաքին գործերի նախարարի տեղակալ Պարույր Հովհաննիսյանը մասնակցել է «Ֆրանկոֆեստ» գրականության ու արվեստի փառատոնի հանդիսավոր բացման արարողությանը։
Միջոցառման ընթացքում հայտարարվել է ֆրանկոֆոն գրականության ամենահեղինակավոր «Գոնկուր» մրցանակի հայաստանյան մասնաճյուղի հիմնադրման և ազգային ժյուրիի ձևավորման մասին:
Իր ողջույնի խոսքում ԱԳ նախարարի տեղակալը մեծապես կարևորել է այս իրադարձությունը՝ Հայաստանում ֆրանսերեն լեզվի տարածման ու ամրապնդման տեսանկյունից: Այս հանատեքստում նա ընդգծել է Հայաստանում ֆրանսիական ինստիտուտի, Հայաստանում ֆրանսիական համալսարանի և «New Mag» հրատարակչության կարևոր դերակատարությունը:
Ողջունելով Գոնկուրի ակադեմիայի ներկայացուցիչների մասնակցությունը փառատոնին՝ Պարույր Հովհաննիսյանն ընդգծել է ակադեմիայի անդամ, մեծանուն ֆրանսիացի գրող ու փիլիսոփա Պասկալ Բրյուկների ներկայությունը միջոցառման ընթացքում: Նախարարի տեղակալը հիշեցրել է ներկաներին Բրյուկների կարևոր դերակատարությունը հայ-ֆրանսիական բարեկամության ամրապնդման ու խորացման գործում և անվերապահ աջակցությունը Հայաստանին ու հայ ժողովրդին:
Տարածել
Կարդա նաև
Medicine «Անունները չփոխել». Մարիաննա Հակոբյանի գիրքը՝ ծանր մանկության ու անպատասխան հարցերի մասին
«Քաղաքային խենթը», «Նոյը» եւ մենք բոլորս. Ռուսլան Սաղաբալյանի գրական երեկոն
«Քաղաքային խենթը ես եմ». ներկայացվեցին Ռուսլան Սաղաբալյանի 2 գրքերը
Երևանում կայացավ «Project Management Conference & Awards 2025» միջոցառումը՝ նախագծերի կառավարման տարվա գլխավոր իրադարձությունը