«Ռոնալդու. կատարելության տենչով». մարզասեր ընթերցողն արդեն կարող է հայերեն կարդալ համաշխարհային բեսթսելերը
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հայ մարզասերների գրադարանը ավելացավ ևս մեկ գրքով. ընթերցողի դատին հանձնվեց «Ռոնալդու. կատարելության տենչով» ստեղծագործությունը:
«Արմենպրես»–ի հաղորդմամբ` գրքի շնորհանդեսին, որը կազմակերպել էր «New Mag» ընկերությունը, ներկա էին մարզական լրագրողները: Իտալացի լրագրող Լուկա Կայոլիի «Ռոնալդու. կատարելության տենչով» գրքում անդրադարձ կա պորտուգալացի ֆուտբոլիստ Կրիշտիանու Ռոնալդուի մանկությանը, պատանեկությանը, Ավեյրոների ընտանեկան դժբախտությանը: Գիրքն անգլերենից թարգմանել է Լիանա Զաքարյանը, թարգմանության խմբագիրն է Վասակ Դարբինյանը:
«Հայաստանում գրախանութ հիմնականում գնում են կանայք: Մենք փորձեցինք այնպես անել, որը այս գրքի հետևից գրախանութ գնան նաև տղաները: Հայաստանում տղամարդիկ բաժանվում են ոչ միայն շիկահերների կամ սևերի, «Mercedes» կամ «BMW» նախընտրողների, այլև Ռոնալդուին և Մեսսիին նախընտրողների: Այդ իսկ պատճառով մենք սկսեցինք Ռոնալդուի գրքից և կշարունակենք Մեսսիի գրքով»,-ներկաների հետ զրույցում ասաց «New Mag»հրատարակչության ղեկավար Արտակ Ալեքսանյանը:
Գիրքը բոլոր գրախանութներում կվաճառվի սեպտեմբերի 22-ից:
Վարվառա Հայրապետյան
Տարածել
Կարդա նաև
«Երևանյան բեսթսելեր». «Քեզնից հեռու, քեզ հետ»-ն՝ առաջատար. հայ գրականություն. մարտ, 2025
2020-ի Ղարաբաղյան պատերազմը և ԱՄՆ քրիստոնեական կառույցների լռությունը. հետազոտություն
Skill ընկերության և Newmag հրատարակչության միջև կնքվել է համագործակցության հուշագիր. CAREER CITY FEST-ում առաջին անգամ կանցկացվի Newmag Fair CCF edition-ը (լուսանկարներ)
Ես ներողություն եմ խնդրում Տիգրան Հայրապետյանի ընկերներից, որ 25 տարի տեւեց պրոցեսը. Նազենի Ղարիբյան