«Ռոնալդու. կատարելության տենչով». ընթերցողն արդեն կարող է հայերեն կարդալ համաշխարհային բեսթսելերը
Հայ մարզասերների գրադարանը ավելացավ ևս մեկ գրքով. ընթերցողի դատին հանձնվեց «Ռոնալդու. կատարելության տենչով» ստեղծագործությունը:
Գրքի շնորհանդեսին, որը կազմակերպել էր «New Mag» ընկերությունը, ներկա էին մարզական լրագրողները: Իտալացի լրագրող Լուկա Կայոլիի «Ռոնալդու. կատարելության տենչով» գրքում անդրադարձ կա պորտուգալացի ֆուտբոլիստ Կրիշտիանու Ռոնալդուի մանկությանը, պատանեկությանը, Ավեյրոների ընտանեկան դժբախտությանը: Գիրքն անգլերենից թարգմանել է Լիանա Զաքարյանը, թարգմանության խմբագիրն է Վասակ Դարբինյանը:
«Հայաստանում գրախանութ հիմնականում գնում են կանայք: Մենք փորձեցինք այնպես անել, որը այս գրքի հետևից գրախանութ գնան նաև տղաները: Հայաստանում տղամարդիկ բաժանվում են ոչ միայն շիկահերների կամ սևերի, «Mercedes» կամ «BMW» նախընտրողների, այլև Ռոնալդուին և Մեսսիին նախընտրողների: Այդ իսկ պատճառով մենք սկսեցինք Ռոնալդուի գրքից և կշարունակենք Մեսսիի գրքով»,-ներկաների հետ զրույցում ասաց «New Mag» հրատարակչության ղեկավար Արտակ Ալեքսանյանը:
Գիրքը բոլոր գրախանութներում կվաճառվի սեպտեմբերի 22-ից:
Վարվառա Հայրապետյան
Տարածել
Կարդա նաև
Medicine «Անունները չփոխել». Մարիաննա Հակոբյանի գիրքը՝ ծանր մանկության ու անպատասխան հարցերի մասին
«Քաղաքային խենթը», «Նոյը» եւ մենք բոլորս. Ռուսլան Սաղաբալյանի գրական երեկոն
«Քաղաքային խենթը ես եմ». ներկայացվեցին Ռուսլան Սաղաբալյանի 2 գրքերը
Երևանում կայացավ «Project Management Conference & Awards 2025» միջոցառումը՝ նախագծերի կառավարման տարվա գլխավոր իրադարձությունը