Սոցիոլոգ Լիլիթ Շաքարյանը հանրությանն է ներկայացրել իր «Բրենդինգ․ Անձեր, ընկերություններ, երկրներ» գիրքը
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ։ Երևանում տեղի է ունեցել սոցիոլոգ, ԱՄՆ Նևադայի համալսարանի հետազոտող Լիլիթ Շաքարյանի «Բրենդինգ․ Անձեր, ընկերություններ, երկրներ» գրքի շնորհանդեսը։ Գրքի շնորհանդեսին ներկա էին ոլորտի առաջատար մասնագետներ, համալսարանականներ, գիտն
Գրքի շնորհանդեսին հաջորդել է պանելային քննարկում՝ նվիրված բրենդի ու բրենդինգի խնդիրներին, գրքում տեղ գտած կարևոր ու օգտակար վերլուծություններին։
Պանելային քննարկումը վարել է քաղաքական գիտությունների դոկտոր, պրոֆեսոր, ԵՊՀ սոցիոլոգիայի ամբիոնի վարիչ Արթուր Աթանեսյանը։
Լիլիթ Շաքարյանը իր գրքում նկարագրում է՝ ինչպես ստեղծել կայուն ու հուսալի բրենդներ, որոնք ոչ թե միայն կծառայեն ցուցափեղկերի ձևավորման համար, այլև հանդես կգան որպես բիզնեսի կառավարման շարժիչ ուժեր: Շաքարյանն ապրանքային, կորպորատիվ և անհատական բրենդների ստեղծմանը զուգահեռ անդրադառնում է նաև երկրի բրենդի ստեղծմանը՝ համաշխարհային տնտեսությունում երկրի մրցունակության բարձրացման և այլ երկրների կողքին շահավետ դիրք զբաղեցնելու տեսանկյունից։
Գիրքը բաղկացած է երեք բաժիններից, որոնցում առանձին-առանձին վերլուծության են ենթարկվել անձի բրենդավորման յուրահատկությունները, կազմակերպական բրենդի, ինչպես նաև երկրի բրենդի ձևավորման ռազմավարությունները հայաստանյան իրականության համատեքստում։
Որպես անձի բրենդավորման բացառիկ օրինակ հեղինակի կողմից ընտրվել է ֆրանսահայ երգահան, Հայաստանի ազգային հերոս Շառլ Ազնավուրի բրենդը։
«Եթե ուզում եք ներկայանալ և ներկայացնել նոր տեսքով, անունով, իմիջով, կառավարել հանրային կարծիքն ու այն ծառայեցնել ձեր նպատակներին, ապա Լիլիթ Շաքարյանի այս գիրքը ձեզ շատ օգտակար կլինի: Հեղինակն այս ոլորտի հայաստանյան սակավաթիվ մասնագետներից է` ակտիվ ներգրավված և’ դասավանդման, և’ պրակտիկ գործունեության տիրույթում, քաջատեղյակ հայաստանյան և միջազգային տեղեկատվական շուկաներին:
Գիրքը բոլորի համար է` հաղորդակցությունների մասնագետների, գործարարների, քաղաքականության և զանգվածային լրատվական ընկերությունների ներկայացուցիչների, ուսանողների, տեսաբանների և պրակտիկների: Հեղինակը նաև սովորեցնում է խոսել մասնագիտական լեզվով, բայց այն արհեստականորեն չի բարդացնում, ինչը գրքի առավելություններից է: Մաղթում եմ հաճելի և օգտակար ընթերցում»,- ասել է ԵՊՀ սոցիոլոգիայի ամբիոնի վարիչ Արթուր Աթանեսյանը:
Լիլիթ Շաքարյանը 14 տարի դասավանդել է ԵՊՀ սոցիոլոգիայի ֆակուլտետում, 10 առարկայական ծրագրերի և մի շարք գիտական հոդվածների հեղինակ է։ 2023թ․-ից տեղափոխվել է ԱՄՆ, Նևադայի համալսարանում զբաղեցնում է հետազոտող գիտնականի պաշտոն և իրականացնում է գիտական հետազոտություն «Մարդու զարգացում և ընտանիքի տեսություն» դոկտորական (PhD) ծրագրով։
Կարդա նաև
![«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը](https://newmag.am/public/front/assets/images/placeholder.jpg)
«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը
![«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով](https://newmag.am/public/front/assets/images/placeholder.jpg)
«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով
![3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը](https://newmag.am/public/front/assets/images/placeholder.jpg)
3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը
![«Հասարակ գիտություն» հաղորդման հյուրը Դավիթ Սարգսյանն է](https://newmag.am/public/front/assets/images/placeholder.jpg)
«Հասարակ գիտություն» հաղորդման հյուրը Դավիթ Սարգսյանն է
![21-րդ դարի 100 լավագույն գրքերը՝ ըստ The New York Times-ի](https://newmag.am/public/front/assets/images/placeholder.jpg)