Մարգարետ Միտչել
Ես այս մասին չեմ մտածի այսօր, ես այդ մասին կմտածեմ վաղը:
Հեղինակի մասին
Մարգարետ Միտչել (1900-49), ամերիկացի գրող: «Քամուց քշվածները» նրա միակ վեպն է։ Առաջին անգամ տպագրվել է 1936-ին և ճանաչվել ամենանշանակալից վեպը։ Հեղինակին շնորհվել է Գրքի ազգային մրցանակ, մեկ տարի անց՝ Պուլիցերյան մրցանակ: Միայն ԱՄՆ-ում վերահրատարակվել է ավելի քան 70 անգամ, թարգմանվել 37 լեզվով: Կինոռեժիսոր Վիկտոր Ֆլեմինգը վեպի հիման վրա 1939-ին նկարահանել է համանուն ֆիլմը, որն արժանացել է 8 Օսկարի։
Միայն կորցնելով ձեր՝ այսպես կոչված վարկանիշը, դուք սկսում եք հավատալ, թե ինչպիսի բեռ է դա, և որքան լավն է այդ գնով ձեռք բերված ազատությունը:
Մարգարետ Միտչել
1936 թվականին հրատարակումից ի վեր Պուլիցերյան մրցանակակիր եւ բոլոր ժամանակների ամենավաճառվող վեպերից մեկը՝ «Քամուց քշվածները», աշխարհում հռչակվել է Մեծ ամերիկյան վեպ:
Վեպի առավել տարածմանը նպաստել է նաեւ համանուն ֆիլմը։ «Քամուց քշվածները» վեպը մարդկանց կրքերի խորությունն ուսումնասիրում է Ջորջիայի կարմիր բլուրներում տեղի ունեցող դեպքերին բնորոշ հանդգնությամբ: Հիասքանչ պատում է, որը վառ պատկերում է Քաղաքացիական պատերազմի եւ Վերակառուցման ժամանակաշրջանի դրաման:
Հարուստ կալվածատիրոջ քմահաճ դուստր Սքարլեթ Օ’Հարան հասունանում է ճիշտ այն ժամանակ, երբ Քաղաքացիական պատերազմն ընդմիշտ փոխում է շատերի ու նրա կյանքը: Կրքերի եւ խիզախության մասին այդ ընդգրկուն պատմության էջերում Մարգարետ Միտչելը ստեղծել է անմոռանալի կերպարներ, որոնք գրեթե մեկ դար պարու...
Վեպի գործողությունները տեղի են ունենում Ջորջիա նահանգի Քլեյթոն շրջանում և Ատլանտա քաղաքում։ Ամերիկայի քաղաքացիական պատերազմի եւ վերակառուցման դարաշրջանն է: Պլանտացիաների հարուստ սեփականատիրոջ երես առած դուստրը՝ Սքարլեթ Օ’Հարան, պատերազմի ժամանակ եւ դրանից հետո պետք է պայքարի սովի, աղքատության դեմ, պահպանի հորից ժառանգություն ստացած հողակտորը եւ փորձի գտնել իր երջանկությունը։ Սա Մոխրոտիկի պատմությունն է՝ հակառակ շարադրանքով. հարուստ և անհոգ գեղեցկուհին աղքատության ու սովի է մատնվում։ Վեպն անհոգ աղջկա դժվարին հասունացման մասին է։
Երջանիկ ամուսնության համար միայն սերը բավական չէ: