Պաոլո Ջորդանո
Գիտությունն իմ ամբողջ աշխարհն էր դարձել, բայց զգում էի, որ ինչ-որ բան պակասում է: Իմ աշխարհում չկային մարդիկ: Ես որոշեցի գրել և այդ կերպ մոտենալ մարդուն, մեր ապրումներին ու զգացմունքներին:
Հեղինակի մասին
Իտալացի գրող և սցենարիստ Պաոլո Ջորդանոն (ծնվ. 1982 թ.) համաշխարհային հռչակ ձեռք է բերել «Պարզ թվերի մենությունը» (2008) վեպով։ Այն արժանացել է Strega (իտալական բուկեր) մրցանակի, տպագրվել ավելի քան 40 լեզուներով և 1.5 միլիոն տպաքանակով: Պաոլո Ջորդանոն ֆիզիկոս-տեսաբան է, գիտությունների թեկնածու: Հեղինակը «Համավարակ» գիրքը գրել է Հռոմում, իր տանը, երբ երկրում վիրուսի տարածման ամենաթեժ շրջանն էր:
Մեր բարդ հարցերին միշտ պարզ պատասխաններ են տվել: Պետք է լսել ու սովորել մարդկանցից, որոնք քաջություն ունեն ընդունելու, որ ինչ-որ բան չգիտեն, կամ, որ ժամանակ է պետք ինչ-որ բան ուսումնասիրելու համար: Կարծում եմ, հենց այս դասերն են ամենաարժեքավորը:
Պաոլո Ջորդանո
Covid-19-ի համավարակն ամենակարեւոր առողջապահական արտակարգ վիճակն է: Իտալացի ֆիզիկոս եւ գրող Պաոլո Ջորդանոն մեկ գրքում համառոտ ներկայացնում է մերօրյա գերկապակցված աշխարհում վիրուսի տարածումը՝ ինչու է այն կարեւոր, ինչպես է ազդում մեզ վրա ու ինչպես պետք է արձագանքել:
Ջորդանոն վիրուսի տարածումը կապում է կեղծ լուրերի, բնապահպանական ճգնաժամի, ազգայնականության ու քսենոֆոբիայի հետ, երբ մարդիկ պատկերացում չունեն նոր տեսակի գլոբալ համայնքի մասին: Իրատեսական, խիստ ու ոգեշնչող այս գիրքը բոլոր նրանց համար է, ովքեր ուզում են հասկանալ, թե ինչպես հայտնվեցինք այնտեղ, որտեղ հիմա ենք, եւ ուր ենք գնալու:
Գրքում ներառված են հրեա պատմաբան եւ փիլիսոփա Յուվալ Նոյ Հարարիի՝ կորոնավիրուսի մասին երկու հոդվածները:
Կյանքում առաջին անգամ ինչ-որ մեծ իրադարձություն ինձ արգելեց վերահսկել սեփական կյանքս: Ես այլևս չէի կարողանում կառավարել ժամանակը և բոլոր ծրագրերս աչքիս առաջ կործանվում էին: Հենց նման դեպքերում է, որ իրականության հանդեպ մեր վերաբերմունքը փոխվում է: Նոր իրողություններին պատրաստ լինելու միակ տարբերակը դրանք վերլուծելն ու հասկանալն է: