Միհրան Գալստյան

Նարե Գալստյան

Լոսից եկող կա՞

5800 ֏

Նկարագրություն

ՀՀ-ում նորից կապրի՞ առնվազն 3.5 միլիոն մարդ։ Բնակչության արտահոսքը՝ աշխատանքային, սոցիալական, կրթական այլ տիպի միգրացիան, որը հաճախ բնորոշվում է որպես արտագաղթ, անխուսափելի գործընթաց է։ Հանրապետության բնակչության բնական աճն էլ դանդաղում է տնտեսական ու քաղաքական ճգնաժամերի, պատերազմի պատճառով։ Լուծումը ներգաղթն է, լավագույն տարբերակը՝ հայրենադարձությունը։ Հնարավո՞ր է հայերի զանգվածային վերադարձ Հայաստան, ինչպես դա մի քանի անգամ եղավ 20-րդ դարում։

Սոցիոլոգներ Միհրան և Նարե Գալստյաններն ուսումնասիրել են վերջին տասնամյակների մի բարդագույն խնդիր և փորձել պատասխանել մի կարևոր հարցի՝ հայկական սփյուռքի ամենամեծ համայնքներից մեկի՝ Լոս Անջելեսի (Կալիֆոռնիա, ԱՄՆ) և դրա արվարձանների ամերիկահայերը մշտական բնակության համար կգա՞ն Հայաստան ու ի՞նչ պայմաններով։ 

Արվել է համապարփակ սոցիոլոգիտական հետազոտություն, գիտնականները զրուցել են հենց լոսանջելեսահայերի հետ, հարցումները շարունակել տարբեր երկրներից Հայաստան ներգաղթածների շրջանում, քննության առել հայրենադարձության բոլոր շերտերը՝ օրենսդրականից մինչև կառավարչական, և ներկայացրել իրենց եզրահանգումն ու գործնական առաջարկները։ 

Գիրքը տպագրության է երաշխավորել ՀՀ ԳԱԱ հնագիտության և ազգագրության ինստիտուտի գիտխորհուրդը։

 

Լրացուցիչ տեղեկություն

Օրիգինալ անունը Լոսից եկող կա՞

Կատեգորիան Գիտահանրամատչելի

ISBN 978-9939-884-99-8

Հրատարակության տարին 2023

Էջերի քանակը 272

Չափսը 16x24, կոշտ կազմ

Հեղինակներ

Միհրան Գալստյան

Միհրան Գալստյանը (ծնվ. 1958 թ.) ավարտել է ԵՊՀ փիլիսոփայության և սոցիոլոգիայի ֆակուլտետը: 1990-ին պաշտպանել է թեկնածուական ատենախոսություն՝ ստանալով պատմական գիտությունների թեկնածուի գիտական կոչում: 2015-ից ղեկավարում է ՀՀ ԳԱԱ հնագիտության և ազգագրության ինստիտուտի էթնոսոցիոլոգիայի բաժինը: 2007-ից դասավանդում է ԵՊՀ մշակութաբանության ամբիոնում: 2016-ին պաշտպանել է դոկտորական ատենախոսություն: 6 մենագրության, հինգ տասնյակից ավելի գիտական հոդվածների հեղինակ է, 3 գրքի համահեղինակ:

Նարե Գալստյան

Նարե Գալստյանը (ծնվ. 1990 թ.) ավարտել է ԵՊՀ սոցիոլոգիայի ֆակուլտետը, ապա մագիստրատուրան՝ Ամստերդամի, Դեուստոյի և Դուբլինի համալսարաններում։ 2015-2019 թթ. սովորել է Միլանի համալսարանի ասպիրանտուրայում՝ մասնագիտանալով միգրացիայի ոլորտում։ Պաշտպանել է գիտական թեզ։ 2020-2022 թթ. աշխատել է ՀՀ ԳԱԱ հնագիտության և ազգագրության ինստիտուտի էթնոսոցիոլոգիայի բաժնում։ 2023-ի փետրվարից ավագ գիտաշխատող է Սիրակուզայի համալսարանի Բերթոն Բլատի ինստիտուտում (Նյու Յորք, ԱՄՆ):

Գրքի թրեյլեր

Կարծիքներ

Արդյունքներ չեն գտնվել

Թողնել կարծիք

Տես նաև