Ո՞վ է այն հայ «օրենքով գողը», որը 17 տարի թագադրված լինելով, երբեք չի ձերբակալվել
September 11, 2017
Սեպտեմբերի 5-ին Կրասնորդարում ձերբակալվել է ազգությամբ հայ «օրենքով գող» Գեորգի Մանուկյանը, որը քրեական աշխարհում հայտնի է որպես Չիլկա կամ Ժորիկ Թբիլիսկի: Գեորգի Մանուկյանը ծնվել է 1964-ի մարտի 7-ին՝ Թբիլիսիում:
1993 թվականին՝ Կրասնոդարում, 29 տարեկանում Հասան Ուսոյանի՝ Դեդ Հասանի, Վոլչոկի և այլ քրեական հեղինակությունների միջնորդությամբ կարգվել է «օրենքով գող»: Կարգվելուց հետո Ժորիկ Թբիլիսկին տեղափոխվել է Կրասնոդար, որպեսզի Ռուսաստանի այդ տարածաշրջանում, որպես Դեդ Հասանի կողմից «թագադրված» գող, ուժեղացնի և ամրապնդի նրա դիրքերը:
Քրեական թեմաներով կարդացեք նաև.
- Սկանդալ գողական աշխարհում. Ասետրինա Մլադշիին բանտում չեն ընդունել որպես «օրենքով գողի»
- «Օրենքով գողին ցեմենտել են». Արա Արմավիրսկին ձերբակալված է
- Ի՞նչ է Ադրբեջանում նշանակում «դատապարտված է 7 տարով» արտահայտությունը
Մանուկյանը 2013-ին ազատ էր արձակվել Վլադիմիրսկի ցենտրալից: Նա 2010-ին դատապարտվել էր Նովոռոսիյսկի դատարանի կողմից՝ մեծ քանակությամբ թմրանյութեր պահելու համար: Գելենջիկում բնակվող Չիլկայի մոտից ոստիկանները հայտնաբերել էին 3.5 գրամ հերոին տեսակի թմրանյութ:
Ժորիկ Թբիլիսկին պատժի մի մասը կրել է Դիմիտրովգրադում, մնացածը` Վլադիմիրսկի ցենտրալ հայտնի բանտում: