7 պարզ քայլ. Ինչպե՞ս գնել բիթքոին
January 27, 2018
Ի ՞նչ է տեղի ունեցել
Ընդամենը մի քանի օր առաջ բիթքոինը գնահատվում էր 8 հազար դոլար, այնուհետև գինը բարձրացավ մինչև 10-11 հազար, հետ կտրուկ ընկավ, դարձյալ բարձրացավ: Նման թռիչքները մեծ ուշադրություն են հրավիրել կրիպտոարժույթի նկատմամբ: Google Trends-ի համաձայն, բոլոր հարցումների 3 տոկոսը վերաբերում է նրան, թե ինչպես է հնարավոր գնել կրիպտոարժույթ:
Ինչո՞ւ է բարդ գնել բիթքոին
Այո, մի փոքր ավելի դժվար է, քան խանութից երշիկ գնելը: Առաջին անգամ ստիպված կլինեք մի փոքր փնտրել, բայց հետո հեշտ կլինի :
Ինչի ՞ց սկսել
Նախ անկեղծ պատասխանեք մի հարցի` ինչու է ինձ անհրաժեշտ բիթքոինը: Եթե դուք ցանկանում եք գնել այն սպեկուլյատիվ գործարքների համար, ապա այս քարտերը ձեզ համար չեն: Իսկ եթե դուք մտադիր եք բիթքոինի միջոցով դիվերսիֆիկացնել սեփական ներդրումները և կատարել սահմանափակ թվով գործարքներ, ապա գնեք այն:
Այո, այո, ես ցանկանում եմ գումար ներդնել բիթքոինում և որոշ ժամանակ այն չվատնել: Ի ՞նչ անել
Նախ պետք է ձեռքբերել դրամապանակ, որի մեջ դուք պահելու եք ձեր կրիպտոարժույթը: Դրամապանակները երկու տեսակի են `
«Տաք». այսպես է կոչվում այն բանի պատճառով, որ այդ դրամապանակում ձեր բիթքոինը մշտապես, ցանկացած պահի հասանելի կլինի օնլայն:
«Սառը»: Այս տեսակի դրամապանակների պարագայում կրիպտոարժույթից օգտվելու համար բանալիները պահվելու են ձեր համակարգչում կամ սկավառակում:
Դրամապանակը գրանցված է: Իսկ հետո ՞
Ընտրեք, ումից եք գնելու արժույթը: Այժմ դա հնարավոր է իրականացնել փոխանակման օնլայն կետերում, բորսաներում և մասնավոր ճանապարհով:
Թեև բորսաները սկսնակների համար հարմար չեն: Այնտեղ միջնորդավճարները հիմնականում բարձր են: Այնպես որ, ամենահարմար տարբերակը `առցանց փոխանակողներն են: Տարբեր վաճառողներն ընդունում են տարբեր տեսակի վճարումներ, մեկը համաձայնվում է փոխանցումներ կատարել Qiwi-ից, Webmoney-ից, PayPal-ից և Yandex.Money-ից, մյուսները` միմիայն բանկային հաշիվներից, որոնք գրանցված են կոնկրետ երկրում:
Իմ քարտային հաշիվը ռուբլով է: Ի ՞ն չ անել առցանց փոխանակման կետում:
Նախ, ընտրեք, թե որ փոխանակման կետից եք օգտվելու: Այժմ կա 2 հիմնական կետ.
Bestchange-ում համախմբված են ԱՊՀ-ի քիչ, թե շատ հիմնական փոխանակման կետերը:
Երկրորդը` localbitcoins.com –ն է. Այստեղ փոխարժեքը 100-ից 99-ի դեպքերում ավելի լավն է, քան Bestchange-ի ցանկացած հարթակում:
Այսպիսով, դուք սկզբում փոխանցում եք գումարը, և եթե ամեն ինչ հաջող է ավարտվում, շատ արագ, մեկ-երկու րոպեում կստանաք բիթքոինը:
Կարդացեք նաև.
- Դիզայներ Ռալֆ Լոուրեն․ հաջողակ բիզնեսմենի անցած ճանապարհը
- Made in China. ճի՞շտ է, որ չինական բոլոր ապրանքները ցածրորակ են
- Ինչպե՞ս լինել պատմության մեջ աշխարհի ամենահարուստ մարդը. 7 խորհուրդ Ջեֆ Բեզոսից
Ստացվե ՞ց
Դեռ ոչ: Բիթքոինը հայտնվեց փոխանակման կետի հաշվին, բայց այնտեղ այն մի պահեք, քանի որ փոխանակման կետերը փակվում են, սնանկանում են, իսկ որոշ կետերի սեփականատերեր վերցնում են հաճախորդների փողերը և փախչում: Դրա համար փողը պետք է փոխանցել դրամապանակ և պահել այնտեղ:
