Ինչպե՞ս ստեղծել իդեալական կապսուլային զգեստապահարան
April 30, 2018
Ստեղծեք կապսուլային զգեստապահարան
Կապսուլան՝ մինիզգեստապահարանն է, որը բաղկացած է 5-10 իրերից: Բոլոր այդ իրերը պետք է միավորված լինեն ինչ-որ մեկ ընդհանուր ոճով կամ առիթով: Կապսուլան՝ իրերն են, որոնք համադրելի են միմյանց հետ:
Ենթադրենք, մի քանի օրով գնում եք գործուղման: Դուք գործնական հանդիպում ունեք, հետո ընթրիք: Իհարկե, պետք է ճանպրուկի մեջ դնել գործնական հագուստ, հանդիսավոր վերնաշապիկ, կոկտեյլային զգեստ ու ամենօրյա, հարմար հագուստ՝ զբոսանքի համար: Ձեր ճամպրուկի մեջ, դուք հավաքում եք կապսուլային հավաքածու:
Կապսուլային հավաքածուի օրինակ
Եվս մեկ կապսուլային հավաքածուի օրինակ հանգստի մեկնելու համար: Ամառային մի քանի իրեր, ինչպես նաև կոշիկ, որը կսազի տարբեր իրերի հետ:
Կապսուլային հավաքածուի օրինակ
Երեկոյան կապսուլան հանդիսավոր իրերն են, դրանք պետք է կրել կորպորատիվ երեկույթների, հարսանիքի կամ երեկույթի գնալիս:
Կապսուլային հավաքածուի օրինակ
Կապսուլային զգեստապահարանը թույլ է տալիս քիչ իրեր գնել, բայց ստանալ շատ համադրություններ: Կապսուլային զգեստապահարանի գաղտնիքներին ծանոթ լինելը կօգնի նաև իմպուլսիվ գնումների գայթակղությունից հետ մնալ ու չկուտակել շատ ու անպետք իրեր:
Ինչպես ընտրել իրեր
Կապսուլան հարմար է ու ռացիոնալ: Որքան ունիվերսալ են իրերը, այդքան ավելի համադրելի են ու բազմաֆունկցիոնալ: Կապսուլային զգեստապահարան ստեղծելիս՝ առաջնորդվեք երեք իրերի սկզբունքով. իրերից ամեն մեկը պետք է համադրվի այդ երեք իրերի հետ: Օրինակ, տղամարդկանց կապսուլայում Casual ոճի կարդիգանը համադրելի է ջինսի, վերնաշապիկի ու շապիկի հետ: Այդ ցանկին ավելացրեք նաև բաճկոն ու ճտքակոշիկներ, կարդիգանը փոխարինեք ջեմպերով, իսկ ջինսը՝ տաբատով՝ և ահա, դուք ունեք կապսուլա, որը բաղկացած է 8-10 իրերից, այն ձեզ կտա 20-30 համադրությունների հնարավորություն:
Կնոջ կապսուլայում տարբերակներն ավելի շատ են. Վերարկուն համադրելի է տաբատի, բլուզի ու զգեստի հետ: Տաբատը կարելի է փոխարինել կիսաշրջազգեստով կամ ջինսով, իսկ բլուզը՝ տոպով, զգեստին էլ կարելի է հավելել ջեմպերը: Այս կապսուլային պետք կգան նաև աքսեսուարներ՝ զարդեր, պայուսակ, ունիվերսալ կոշիկ, որը կհամադրեք ամեն մի լուքի հետ:
Կարդացեք նաև.
- Սեզոնի գլխավոր թրենդը. ինչպե՞ս կրել գոտկատեղի համար նախատեսված պայուսակները
- Ինչպե՞ս կրեն վարդագույն հագուստ 40-ն անց կանայք, որպեսզի հիմար տեսք չունենան
- Կապտամազ հայտնիները. ե՞րբ և ինչպե՞ս սկսվեց կապույտ թրենդը
Գույների համադրությունը կապսուլայում
Մեկ կապսուլայում պետք է լինի երեք ակցենտային գույներից ոչ ավելի, գումարած, մոնոքրոմ բազային գույները: Ավելի հեշտ համադրելի են մեկ ջերմաստիճանի պատկանող գույները. Սառը գույները՝ սառը, իսկ տաք գույները՝ տաք գույների հետ: Օրինակ, սառը գույների դեպքում կարելի է շեշտել կապույտը, փիրուզագույնը, բորդոն, իսկ բազային կարղե ն լինել մոխրագույնը, սպիտակն ու սևը: Այս դեպքում, բոլոր գույներն իրար հետ համադրելի են:
Կապսուլային զգեստապահարանի համար հագուստ գնելն ավելի էժան կլինի, արդյունքն՝ ավելի նկատելի: Կապսուլային զգեստապահարան հավաքելիս՝ սկսեք մեկ գլխավոր իրից, օրինակ, ժակետից / բլեյզերից / վերնաշապիկից / ջեմպերից: Լավ կլինի, որ այդ վերնահագուստը լինի վառ գույնով կամ պրինտով: Այս իրը կօգնի ընտրել կապսուլային զգեստապահարանի ընդհանուր գունապնակն ու ոճը: Վերնահագուստից հետո սկսեք գնել մյուս իրերը՝ համապատասխան տաբատներ կամ կիսաշրջազգեստներ ու հեվելյալ վերև՝ վերնաշապիկ կամ բլուզ:
Հետևեք newmag-ին Telegram-ում և Instagram-ում։