Կյանքը փոխելու 12 միջոց բոլոր ուժասպառների համար
Չգիտես ինչու, ասում են, որ նոր բարձրունքների նվաճումը և ամբողջությամբ հյուծվածությունը առանց իրար չեն լինում: Այդպիսի բան չկա: Ուժասպառ լինելը հաջողության հասնելու նշան չէ: Այն միջոց է, որով մեր օրգանիզմը ակնհայտ ակնարկում է, որ ժամանակն է` կանգնել:
1. Քնեք բավարար
Մեր մարմինը մեխանիզմ է, գեղեցիկ և աներևակայելի բարդ համակարգ, որը խնամքի և հանգստի կարիք ունի: Աշխատանքն ավարտելով` դուք ամեն օր անջատում եք համակարգիչը: Մոտավորապես նույնն էլ անհրաժեշտ է մեր մարմնին ու մտքին: Հետազոտությունները ցույց են տալիս, որ լավ քունը ուղեղն ազատում է տոքսիններից, որոնք հավաքվում են օրվա ընթացքում: Ահա թե ինչու է 7-8 ժամ լիարժեք հանգիստը այդքան կարևոր հոգեկան և ֆիզիկական առողջության համար:
2. Մտածեք` ի՞նչ և ինչպե՞ս եք ուտում
Ձեր սնվելը իմաստալից դարձնելու համար անհրաժեշտ է պրակտիկա: Սա հատկապես վերաբերում է նրանց, ովքեր սովոր են մի բան ծամել ոտքի վրա` զուգահեռ պատասխանելով հերթական նամակին կամ ուսումնասիրելով հեռախոսային զանգերը: Գիտակից սնվելու պրակտիկան օգնում է հասկանալ, թե ձեր կերածը ինչ օգուտ է տալիս ձեր օրգանիզմին: Քաղցը բավարարելու համար անհրաժեշտ է առողջ հարաբերություն ունենալ սննդի հետ: Հետազոտության արդյունքները ցույց են տալիս, որ սնվելու այդպիսի մոտեցումը զգալիորեն բարելավում է տրամադրությունը, իջեցնում է սթրեսի մակարդակը, օգնում է ձեռք բերել օգտակար սննդային սովորություններ և նույնիսկ ազատվել ավելորդ քաշից:
3. Հեռու մնացեք կոֆեինից
Կոֆեինը բացասաբար է ազդում նյարդային համակարգի վրա: Եթե դուք մտահոգված եք, լարված և հիստերիայի մեջ, սուրճի հերթական բաժակը կթեթևացնի ձեզ, բայց ոչ երկար ժամանակով: Դրա փոխարեն օգտագործեք հանգստանալու այլ` ավելի արդյունավետ ու առողջարար միջոց` ֆիզիկական վարժություններ կամ մեդիտացիա: Եթե առավոտները առանց սուրճի չեք կարողանում դիմավորել, ապա այդ խմիչքի հետ տեղափոխվեք այլ հարթություն ու որպես գիտակից մարդ հասկացեք, թե ինչքան վնասակար է այն ձեր առողջության համար: Սուրճը լցրեք ձեր հավանած բաժակի մեջ և զգացեք նրա գերող բուրմունքը: Մի քանի րոպե հետո կհասկանաք, որ հոտ քաշելն ավելի հաճելի է, քան հենց ինքը սուրճը:
4 Սկսեք շարժվել և կանգ մի առեք
Շարժումը ոչ միայն տրամադրությունը բարձրացնելու և սթրեսը նվազեցնելու լավ միջոց է, այլև փայլուն հիշողություն ունենալու արդյունավետ միջոց: Անընդհատ աճող լարվածության դեմ լավագույն դեղատոմսը ֆիզիկական ակտիվությունն է: Յոգայի, վազելու կամ հեծանիվ վարելու համար ծախսած յուրաքանչյուր րոպեն մեծ ներդում ունի սթրեսին հակազդելու գործում: Հաջողակ մարդիկ նախընտրում են մարզվել հենց առավոտյան:
5. Լավագույն հանգիստը լռությունն է
Այո, այո, այո: Առանց մեդիտացիայի կյանքը փոխելու ոչ մի մեթոդ օգուտ չի տա: Բժշկի այցելությունների 80 տոկոսը սթրեսի հետևանք է: Պատկերացրեք` ինչքան ժամանակ և գումար եք ծախսում: Այդ ծախսերը կարող ենք կրճատել մեդիտացիայի շնորհիվ: Օրական 5 րոպե մեդիտացիան օրը կդարձնի շատ ավելի ուրախ:
6. Հոգ տարեք ձեր մարմնի մաշկի մասին
Ամեն ինչ շատ պարզ է` ուրախ է մաշկը. ուրախ եք դուք: Ընտրեք այն, ինչը ոչ միայն կլավացնի մաշկի գույնը, այլև իսկական օգուտ կտա օրգանիզմին: Կլինի դա կոսմետիկա, թե սնունդ: Պարզապես կրկնեք բոլոր անհրաժեշտ պրոցեդուրաները առավոտյան և երեկոյան: Որոշ ժամանակ անց դուք կհասկանաք, որ մաշկը փայլում է, տրամադրությունն էլ նախկինի պես վատ չէ:
Օգտակար է իմանալ նաև`
- Հասցրո´ւ ապրել. Սեփական ժամանակը տնօրինելու 3 եղանակ
- Հաջողակ բիզնեսմենի 3 հատկանիշ
- Տնտեսական ճգնաժամից դուրս գալու այլընտրանք
7. Կերակրեք ձեր հոգին, այլ ոչ թե էգոն
Այստեղ ամեն ինչ պարզ է: Արեք այն, ինչ ձեզ գոհացնում է: Ոչ բոլոր ձեռքբերումներն են ուրախացնում մեր հոգին: Կանոնավոր աշխատանքն ու վարձատրությունը կարող են օգտակար լինել, բայց ի վերջո դրանք հասցնում են օրգանիզմի հյուծվածության: Գնեք, վերջապես, այն կոշիկները, որոնք վաղուց ցանկանում էիք: Պաղպաղակով զվարճացրեք ձեզ: Հանգստյան օրերին հին ֆիլմեր նայեք: Ձեր բոլոր գործողությունները, ավելի ճիշտ` մեծ մասը պետք է ունենան մեկ նպատակ` ուրախացնել:
8. Վստահեք ձեր ինտուիցիային
Կարևոր որոշումներ կայացնելուց առաջ լսեք ձեր զգացմունքներին: Մեր մարմինը երբեմն հուշում է, թե ինչ է մեզ անհրաժեշտ նախքան մենք այդ կգիտակցենք: Եթե հոգնել եք, ընդմիջում վերցրեք: Եթե ինչ-որ բան այն չէ, առաջին հերթին պատճառը ձեր մեջ գտեք: Եթե դուք մարդ-ինտուիցիա չեք, որոշակի ժամանակ է անհրաժեշտ որպեսզի սովորեք լսել ձեր ներքին ձայնը: Պարզապես կտրվեք բոլոր հոգսերից, հանգստացեք և անկեղծ պատասխանեք` ինչ եք հիմա զգում: Շատ հավանական է, որ դուք լավ էլ գիտակցում եք, թե ինչ եք հիմա ուզում: Անհրաժեշտ է լսեք ինքներդ ձեզ:
9. Խախտեք իրերի դասավորության սովորական կարգը
Ձեր առջև խնդիր դրեք շաբաթական մինիմում մեկ անգամ փորձել ինչ-որ նոր բան: Պարտադիր չէ միանգամից ինչ-որ մեծ քայլ անել: Պարզապես մի օր աշխատանքի գնացեք այլ ճանապարհով: Նույնիսկ այդպիսի, թվում է թե, մանրուքը անսովոր փորձ է: Այն բացում է միտքը մտածողության և ընկալման նոր մեթոդների համար, որոնք իրենց հերթին ձեզ մի քիչ կերջանկացնեն:
10. Ինքներդ ձեր համար ստեղծեք հարմարավետ միջավայր
Բոլոր առումներով առողջ հարաբերությունների ստեղծման առաջին քայլը պատասխանատվությունն է այն բանի հանդեպ, թե ինչով եք լցնում ձեր կյանքը: Վերլուծեք ձեր բոլոր կապերը և ուշադիր հետևեք, թե ինչ ներդրում ունեն դրանք ձեր կյանքում: Ովքեր պատասխանատվությամբ են մոտենում շրջապատի ընտրությանը, շատ հաճախ ավելի վստահ են լինում որոշումներ կայացնելու հարցում:
11. Սովորեք նորը
Փաստ է, որ նոր գիտելիքներ ստանալը մեզ ավելի երջանիկ է դարձնում: Այն նաև օգնում է մեզ երկարացնել կյանքը և դարձնել ավելի հետաքրքիր ու բովանդակալից: Ցանկանում եք փոքրի՞ց սկսել: Սովորեք, օրինակ, գործվածք գործել կամ մաթեմատիկական բարդ խնդիր լուծել: Ինտերնետում շատ ուսուցողական հոլովակներ կան: Այնպես, որ կարող ենք սովորել առանց մահճակալից վեր կենալու:
12. Սկսեք օրագիր պահել
Լարվածության վերացում, ստեղծագործական հմտությունների զարգացում, վստահության մեծացում և նպատակներին հասնելու ոգեշնչում. հեշտ վարժություններ են, բայց որքան օգտակար: Եթե ամեն ինչ տրվում է աշխատանքով, կարիք չկա ամեն օր ինչ-որ մի բան գրել: Կարևոր է հենց բովանդակության ստեղծման գործընթացը, այլ ոչ թե այն, թե քանի անգամ ենք մենք դրանով զբաղվում: Այնպես որ, սկզբի համար կարելի է սահմանափակվել մեկ-երկու դասընթացներով: Ժամանակ պահեք, հեշտ թեմա ընտրեք, օրինակ` «ինչ եմ ես սպասում այս օրվանից» և գրեք այն ինչ մտածում եք: Հավատացեք, ի վերջո, դուք անհամբերությամբ կսպասեք դրանց իրականացմանը: