Հենասյուն 50-րդ հոբելյանին
November 30, 2015
Այստեղ զույգերը սիրում են համբուրվել: Այս բարձունքից Երևանը թվում է ափիդ մեջ: Ամբողջ քաղաքը փռված է դիմացդ: Հորիզոնում Մասիսներն են անշարժ լողում երկնի մովում: Երիտասարդները սիրում են երեկոներն այնտեղ անցկացնել. մայրամուտի գույները տեսարանն իսկական կտավի են վերածում:
Եթե անձրև է մաղում, էլի հոգ չէ: Հետաքրքիր է հետևել Երևանի կերպարանափոխությանը. ինչպես է արևից շիկացած պսպղուն քաղաքը դառնում թաց ու մոխրագույն: Երիտասարդների հայացքներն ուղղվում են վեր, երբ արդեն գիշեր է: Ընկնող աստղ են փնտրում, որ երազանք պահեն:
Աղջիկները հաստատ այդ պահին իրենց պսակադրության մասին են երազում: Ու առանձնապես կարևոր չէ՝ կողքինի հետ, թե ոչ: Մթության մեջ նրանք չեն նկատում այն, ինչ կարող էին տեսնել ցերեկը, այն, ինչ նրանց կողքին է գրեթե կես դար: