Ինչպե՞ս QR կոդի միջոցով կիսվել Wi-Fi-ով
October 22, 2018
Ընկերներին Wi-Fi-ի գաղտնաբառը փոխանցելը մի ամբողջ արարողություն է: Պետք է ասել անվանումը, տառ առ տառ թելադրել գաղտնաբառը, այնպես, որ սխալ չլինի, հետո այդ ամենը ստուգել: Եվ այդպես ամեն անգամ ու բոլոր հյուրերի համար հերթով: Բայց կա ևս մեկ հեշտ տարբերակ: Կարելի է QR կոդի միջոցով հեշտ ու արագ կիսվել ինտերնետով: Դրա համար պետք է գեներացնել հատուկ կոդ, որտեղ գաղտնագրված կլինեն ցանցի անունը, գաղտնաբառը ու միացման հրամանը: Այս ամենը, ինչպես iOS, այնպես էլ Android-ով աշխատող մոբայլ սարքերի համար է: Այս պարզ, բայց տեխնոկրատ լուծումը կարելի է իրականություն դարձնել այսպես.
Կարդացեք նաև.
5 պարզ քայլեր ինտերնետում ապահով լինելու համար
Ամերիկյան տեխնոլոգիական ստարթափը մասնաճյուղ է բացում Երևանում
Օգտատերերի անձնական տվյալների արտահոսքից հետո Գուգլ Պլյուսը կփակվի
Ինչպես ստեղծել գաղտնաբառով QR
QR կոդ ստեղծելու համար ամենահարմարն արդեն պատրաստի գեներատորներ օգտագործելն է, ինչպես, օրինակ` QiFi-ը: Բայց կարելի է նաև նույնն անել ձեռքով: Դա մի քիչ բարդ է, ավելի հեշտ կլինի օգտագործել պատրաստի լուծումները:
- Մտեք QiFi-ի կայք այս հղումով:
- Լրացրեք ցանցի անունն ու գաղտնաբառը
- Նշեք գաղտնագրման տիպը, նշեք Hidden-ը, եթե ցանցը փակ է
- Սեղմեք Generate կոճակը
- Պահեք գաղտնաբառը PNG ֆայլում` սեղմելով Export-ը: Կամ տպեք` սեղմելով Print-ը
Ինչպես միանալ ցանցին
Հիմա, երբ արդեն ունեք տպված QR կոդ կամ պատկեր սմարթֆոնի վրա եղած գաղտնաբառով, պետք է այն պարզապես
- Ցույց տալ հյուրերին
- Խնդրել, որ այն սքան անեն իրենց սարքերով
- Դրա համար պետք է բացել սարքի ստանդարտ տեսախցիկը, այն մոտեցնել QR կոդին
Համակարգը այս պարզ գործողության ժամանակ ճանաչում է ցանցին միանալու հրամանը, որից հետո սմարթֆոնը կամ սարքը միանում են Wi-Fi-ին:
Հետևեք newmag-ին Telegram-ում և Instagram-ում