Շատ ազդեցիկ ստեղծագործություն, հոգու զորության և ցանկացած պայմաններում ապրելու կամքի մասին
Շատ ազդեցիկ ստեղծագործություն, հոգու զորության և ցանկացած պայմաններում ապրելու կամքի մասին: Այս գիրքը հնարավորություն չի տալիս ընդհատել ընթերցանությունը, ապրում է քո մեջ, կամ դու նրա:Որոշ տեղերում այն դժվար է ընթերցվում, որոշներում հեշտ և արագ: Պատմությունը,որը գրքի սկզբում շատ ցավալի է, Զուլեյխա անունով կնոջ մասին է ՝ում ճակատագիրը նախանձելի չէ:Նա միայն մեկ դեր է ունեցել կյանքում՝ ամուսնու և նրա մոր համար ստրուկի:
Կարմիր բանակի կողմից իր գյուղը բռնազավթելուց հետո, Զուլեյխան հայտնվում է հեռավոր Տայգայում ՝անմարդկային պայմաններում: Մի կողմից նրա կյանքն ամբողջովին կործանվում է,մյուս կողմից նա հնարավորություն է ստանում այլ կերպ կառուցել այն։ Տայգայում հերոսուհին կարողանում է գոյատևել չնայած ամեն ինչին: Զուլեյխան ողջ է մնում,մեծացնում որդուն և բացահայտում սերը, որը կարող էր երբեք չզգալ ՝ ապրելով ամուսնու հետ: Երևում է հերոսուհու բնավորությունը, բուն էությունը, ինչը թույլ է տալիս նրան գոյատևել ցանկացած պայմաններում, և նույնիսկ աջակցել մյուսներին: Հիանալի գիրք այն մասին, թե ինչպես են մարդիկ հաղթահարում ողբերգական իրադարձությունները, հարմարվում նոր պայմաններին և փոխվում դրանց հետ միասին: