Կայացել է Հարութ Կբեյանի «Լոտո» վեպի շնորհանդեսը
PanARMENIAN.Net – Փետրվարի 18-ին կայացել է գրող Հարութ Կբեյանի պսևդոքաղաքական անտիուտոպիա ժանրի «Լոտո» վեպի շնորհանդեսը:
«Լոտո»-ի հերոսները երկուսն են՝ գործազուրկ Պողոսը և Նաիրյան երկրի նախագահը։
«Լոտոն» ներկայացնում է Նաիրի երկրի նախագահի անցյալը, կառավարման տարիները և ճակատագրական հանդիպումը Պողոսի հետ։ Ամեն ինչ սկսվում է այն պահին, երբ Պողոսը «Համապետական Լոտոյի» տոմսակ է գնում։ Մրցականը՝ հանդիպում նախագահի հետ։ Վեպը ներկայացնում է Նաիրի երկրի նախագահի անցյալը, կառավարման տարիները և հանդիպումը Պողոսի հետ։
Հարութ Կբեյանը պատմել է, որ վեպի հերոս Պողոսն ի սկզբանե այլ անուն է ունեցել, բայց այն փոխվել է ԱԺ պատգամավոր Բաբկեն Թունյանի հորինած կերպարի՝ հարևան Պողոսի «պատվին»: Հեղինակը սկսել է գրել վեպը 2010 թվականին և ավարտել 10 տարուց։
Գիրքը վաճառվում է բոլոր գրախանութներում։
Հարութ Կբեյանն 2016-ից ղեկավարում է ԿԲ հասարակայնության հետ կապերի ծառայությունը։ Մինչ այդ աշխատել է կառավարությունում, համակարգել է Հայոց ցեղասպանության 100-րդ տարելիցի ժամանակ մեդիայի հետ տարվող աշխատանքները։ Հեղինակել է «Մայրամուտի գերիները» գիրքը և «Զևսը» պատմվածքը:
Աղբյուր՝ panarmenian.net
Տարածել
Լոտո
Հարութ Կբեյան
2400 ֏
Նկարագրություն
Այս վեպը հեղինակը սկսել է գրել 2010 թվականին, ավարտին է հասցրել 10 տարի անց։ Գրքի գլխավոր հերոսները երկուսն են՝ գործազուրկ Պողոսը և նաիրյան երկրի նախագահը։ Ամեն ինչ սկսվում է այն պահին, երբ Պողոսը «Համապետական լոտոյի» տոմսակ է գնում։ Մրցանակը՝ հանդիպում նախագահի հետ։
Վեպը ներկայացնում է Նաիրի երկրի նախագահի անցյալը, կառավարման տարիները և ճակատագրական հանդիպումը Պողոսի հետ։ Ո՞րն է լինելու շահումը, նախագահն ի՞նչ է ընծայելու Պողոսին։ Ինչո՞ւ է նախագահը վիճակախաղ անցկացնում իր գահակալության մայրամուտին։ Պողոսը կհամաձայնի՞ ընդունել նախագահի առաջարկը։
«Բոլոր խոսակցությունները, թե կյանքը շախմատ է, չափազանցված են, Պողո՛ս։ Իրականում կյանքն ավելի շատ նման է շաշկիի։ Բոլորը ձգտում են հասնել ինչ-որ բանի։ Ամենահեշտը ճանապարհին ինչ-որ մեկի կամ մի քանիսի վրայով անցնելն է։ Պետք է զգույշ լինես, որ հանկարծ քեզ ֆուկ չանեն։ Չես անցնում դու՝ անցնում են քո վրայով: Կամ հանում են խաղից....»։
Կարդա նաև
1990-ականների Ելգավան՝ լատվիացի գրողի հայացքով. Յանիս Յոնևսը Երևանում ներկայացրել է «Ելգավա 94» վեպը
ԼԱՏՎԻԱՑԻ ՀԵՂԻՆԱԿԸ՝ ԲԵՍԹՍԵԼԼԵՐ ԴԱՐՁԱԾ «ԵԼԳԱՎԱ 94»-Ի, ԻՆՔՆՈՒԹՅԱՆ ՊԱՀՊԱՆՄԱՆ ԵՎ «ՍԱՍՈՒՆՑԻ ԴԱՎԻԹ»-ՈՎ ՈԳԵՇՆՉՎԵԼՈՒ ՄԱՍԻՆ
BOOK DONNATION / 250 գիրք՝ Դիլիջանի գրադարանների կենտրոնացված համակարգին (լուսանկարներ)
Version arménienne du livre d’Aznavour « La vie à travers les yeux de Charles »