Թարգմանվել և հրատարակվել է Շառլ Ազնավուրի վերջին` 9-րդ գիրքը. «Կյանքից կառչած»՝ ուսուցողական ձեռնարկ բոլոր նրանց համար, ովքեր սիրում են պայքարել
![newmag-y-n](https://newmag.am/public/assets/images/news/5009/2391c6777000a3e0c71f7df800c18331.png)
Ես 100 տոկոսով հայ եմ, 100 տոկոսով՝ ֆրանսիացի: Ազնավուրի խոսքերն են` հայտնված նրա գրած գրքերից մեկում: Շանսոնյեի տարեդարձի առիթով NewMag հրատարակչական ընկերությունը անակնկալ է մատուցել բոլոր ազնավուրասերներին: Թարգմանվել է Շառլ Ազնավուրի վերջին` 9-րդ գիրքը:
«Կյանքից կառչած»-ում նա անդրադառնում է ոչ միայն իր անցյալին, այլև կենսական նշանակություն ունեցող թեմաներին: Արտիստը խոսում է դժբախտության, հաջողության, երջանիկ հանդիպումների մասին: Սա ուսուցողական ձեռնարկ է բոլոր նրանց համար, ովքեր տրված են կյանքին նույնչափ, որքան Ազնավուրն էր:
Գրքի շնորհանդեսը կայացավ «Արարատ» կոնյակի գործարանի թանգարանում` «Թանգարանային գիշեր» նախաձեռնության շրջանակներում: Երեկոյին ներկա էին բոլոր նրանք, ում հուզում է շանսոնյեի ստեղծագործական կյանքը: Շնորհավորական խոսքերով հանդես եկան թարգմանությունն իրականացրած մարդիկ: Ելույթ ունեցավ նաև ֆրանսիացի դիվանագետ Ժոնաթան Լաքոտը: «Մեծ պարտականություն է թարգմանել այն ամենը, ինչ Ազնավուրն է գրել: Նա կմնա մեր երկու երկրների բարեկամության սիմվոլը»,- ասել է նա:
Գրքի թարգմանության հեղինակներն են Ժակլին Մինասյանն ու Արտակ Հերիքյանը: Վերջինիս խոսքով` «Կյանքից կառչած»-ը բացառիկ է նաև նրանով, որ գրքում կան Ազնավուրի հարցազրույցներից հատվածներ։ «Դրանք լրացնում են գիրքը և ինչ-որ իմաստով օգնում են ավելի լավ հասկանալ այն, ինչ ցանկացել է ասել Շառլը այս փոքրիկ ձեռնարկով»,-ասում է Արտակ Հերիքյանը: Գրքի խմբագիրն է Սամվել Գասպարյանը՝ «Շառլ Ազնավուր․ դարի երգիչը» թարգմանության հեղինակը։
Ազնավուրի 9-րդ գրքի հայերեն հրատարակությունը հնարավոր կլինի ձեռք բերել մայիսի 20-ից:
Կարդա նաև
![«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը](https://newmag.am/public/front/assets/images/placeholder.jpg)
«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը
![«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով](https://newmag.am/public/front/assets/images/placeholder.jpg)
«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով
![3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը](https://newmag.am/public/front/assets/images/placeholder.jpg)
3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը
![«Հասարակ գիտություն» հաղորդման հյուրը Դավիթ Սարգսյանն է](https://newmag.am/public/front/assets/images/placeholder.jpg)
«Հասարակ գիտություն» հաղորդման հյուրը Դավիթ Սարգսյանն է
![21-րդ դարի 100 լավագույն գրքերը՝ ըստ The New York Times-ի](https://newmag.am/public/front/assets/images/placeholder.jpg)