Շատ հետաքրքիր բացահայտումներ կարելի է անել կարդալով այս գիրքը
Սիլվա Ծատուրյան
Զարմանալի է՝ կառավարման մասին պատկերացումներ ունեն, թերևս, բոլորը, սակայն քչերն են մտածել այդ համակարգի կառուցվածքի ու բուն նպատակի մասին, առավել ևս քչերն են զուգահեռականներ անցկացրել բնության ու կառավարման համակարգի՝ որպես մեծ շղթայի՝ ցանցի միջև։ Հեղինակը ամենահետաքրքիր կերպով համեմատականներ է անցկացնում բնության ու մարդու հյուսվածքների, մետաստազների ու ցանցային համակարգի միջև, աննկարագրելի կերպով մեկնաբանում է մեզ արդեն հայտնի քաղաքական գործընթացները՝ տալով իր ուրույն բնորոշումները, որոնք նույնիսկ շատ մասնագետների համար բոլորովին այլ աշխարհայացք են ձևավորում ու տալիս հնարավորություն մեկ անգամ ևս ուսումնասիրել արդեն իսկ իմացած նյութը։ Հետաքրքրական է հեղինակի այն տեսակետը,որ աշխարհաքաղաքական գործընթացներում էականն այն չէ,ինչ մենք արդեն գիտենք պատմական արխիվներից,այլ այն ինչը ոչ պաշտոնական ,մասնավոր գործընթացներով են պայմանավորված և ոչ մի տեղ արձանագրված չեն։ Շատ հետաքրքիր բացահայտումներ կարելի է անել կարդալով ու զուգահեռ ուսումնասիրել աշխարհի քաղաքական դիմագիծը փոխող բազմաթիվ գործընթացներ։
Տարածել
Նիլ Ֆերգյուսոն
4400 ֏
21-րդ դարը հայտարարվել է Ցանցերի դար։ Այս գրքում Նիլ Ֆերգյուսոնը փաստարկում է, որ ցանցերը միշտ են եղել մեզ հետ՝ ուղեղի կառուցվածքից մինչեւ կերակրաշղթա, տոհմածառից մինչեւ մասոններ։ Բարձր աշտարակներում տեղավորված հիերարխիաները պատմության ընթացքում հաստատում էին իրենց իշխանությունը, սակայն իրական իշխանությունը հաճախ ներքեւում տարածվող քաղաքի հրապարակում էր։
Չէ՞ որ ցանցե՛րն են նորարարություններին հակված լինում։ Եվ հենց ցանցերի միջոցով տարածվող հեղափոխական գաղափարներն են վարակի պես սողոսկում ամենուր։ Դավադրության տեսաբաններն, անշուշտ, սիրում են այդպիսի ցանցերին նվիրված գեղեցիկ հորինվածքներ, սակայն սա չի նշանակում, թե այդ ցանցերն իրական չեն։
Ցանցերի վերելքի, տապալման ու նոր վերելքի համաշխարհային պատմությունն այս գիրքը ներկայացնում է Հին Հռոմի աստվածներից մինչեւ Վերածննդի իշխանատոհմեր, ԱՄՆ հիմադիր հայրերից մինչեւ Ֆեյսբուք։
Ինչպես է ցանցային տեսությունը վերափոխում անցյալի ու ներկայի մասին մեր պատկերացումը, կանխատեսում, թե որ հիերարխիաները կդիմակայեն ցանցերի հարձակման վերջին ալիքին, եւ որոնք կտապալվեն։
