«Հայրենիքը» այն մասին է, թե ինչքան ունի մարդը մարդու կարիքը։
Վահիկ Արզումանյան
«Հայրենիքը» այն մասին է, թե ինչքան ունի մարդը մարդու կարիքը։ Այն մասին է, թե ինչպես մեծամասնության վերաբերմունքը և հասարակության վախը կարող է թշնամացնել բարեկամ ընտանիքների։ Այն մասին է, թե ինչպես կարելի է մի օր իջեցնել տարիների բեռը, ներել և շարունակել ապրել։ Այն վեպ է մարդու, ներման, կարեկցանքի, հավատարմության, կյանքի անդունդը հաղթահարլու և իրար պարզ ճակատով նայել կարողանալու մասին։
Տարածել
Ֆերնանդո Արամբուրու
7800 ֏
Նկարագրություն
Ֆերնանդո Արամբուրուն «Հայրենիք» վեպը գրել է, երբ բասկյան ETA ահաբեկչական խմբավորումը հայտարարել է զինված պայքարը դադարեցնելու մասին։ Գրողը ցանկացել է պարզել, թե այդ ողբերգական ժամանակաշրջանում ի՞նչ է պատահել մարդկանց հետ, ինչո՞ւ էին շատերն աջակցում սպանություններին, համակրում բռնարարներին։ Ինչո՞ւ էին երկչոտաբար լռում նրանք, ովքեր համաձայն չէին:
Վեպի առանցքում երկու բասկ ընտանիքների հարաբերություններն են Սան Սեբաստիանի արվարձանում։ Արամբուրուն, ինքն էլ ծնված լինելով այստեղ, ներկայացնում է անկախության համար պայքարի ահաբեկչական մեթոդները, որոնք թշնամություն են սերմանում երկու մտերիմ ընտանիքների միջև և խեղում են շատերի ճակատագրերը։ Նաև ցուցադրում է իսպանական կենտրոնական իշխանության դաժան պատասխանը բասկերի բարձրացրած խնդիրներին։ Հեղինակը հակամարտության որևէ կողմին չի արդարացնում կամ դատապարտում։ Նա ի ցույց է դնում մարդկանց ողբերգությունն ու դա հաղթահարելու ճանապարհը։
