Իմպեդանս

Գիտաֆանտաստիկան շատ հետաքրքիր ժանր է` մեզ հայտնի ու անհայտ ճշմարտությունները տեղ հասցնելու համար։ Շատ հայտնի գործեր ,որոնք պարունակում են գիտաֆանտաստիկայի տարրեր,մեզ իրազեկում,ինչու չէ` նաև զգուշացնում են սպասվելիք արհավիրքների մասին։(օրինակ Ե.Զամյատինի "Մենքը") Այս գիրքը դրանցից մեկն է։Շատ հետաքրքիր ու յուրօրինակ կերպով հեղինակը մեզ իրազեկում է գերտերության հավակնողների անվերջ ընթացող մրցապայքարի մասին,թե ինչ կարող է լինել դիմադրության պարագայում։ Հակազդեցությունը պայթունավտանգ է։Գուցե ուժերի հավասարակշռությունը պահելու համար աշխարհում պետք է իրար լրացնել,ինչպես դրական ու բացասական լիցքերըայլ ոչ վանել ինչպես համանուն լիցքերը.... Ինչևէ,անձնական երջանկությունն ու անհատի նկրտումներն են անգամ ի չիք դառնում ,երբ խոսքը Պետությանը Համակարգին անձնիվիրաբար ծառայելու մասին է։ Անհատը ,կամ նույնիսկ որևէ պետություն,այն հսկա մեխանիզմի մի փոքրիկ դետալն է միայն,որի խափանումը ճակատագրական հետևանքներ կունենա աշխարհի համար..... Կերպարների միջոցով անհերքելի ճշմարտություններ է փոխանցում մեզ հեղինակը,օրինակ`չկա որևէ ժամանակաշրջան որում չծնվեն պատերազմ հրահրող մարդիկ.....