Ճանապարհ

Էս գիրքը նկարագրող ամենատիպիկ բառը հենց վերնագիրն է` #Ճանապարհ։ Ճանապարհ` դեպի Աստված, ճանապարհ` դեպի ճշմարիտ հավատ, ճանապարհ` առանց զարտուղի ոլորանների, ճանապարհ` դեպի Աստվածաշունչ։ Դժվար է ընթերցել մի գիրք, որն իրավամբ զրույց է, դժվար է մոտ 350 էջ լինել "լսողի" դերում, բայց այս գիրքը յուրատեսակ կրոնական թերապիա էր` մաքրվելու, սովորելու։ Ափսոսում եմ, որ միայն հիմա ունեցա ձեռքիս տակ, սա նաև ուսուցչի շատ կարևոր մեթոդական ուղեցույց է, հատկապես 10֊11֊րդ դասարանների ՀԵՊ և Հասարակագիտություն առարկաների դասաժամին ընթեցումներ անելու։ Ամեն դեպքում, էս գրքից հետո անհագ ցանկություն կա` Աստվածաշունչը կարդալու։