Հայկական մամուլը՝ Արման Սաղաթելյանի «Կյանքի նյարդը» վեպի մասին։
![newmag-y-n](https://newmag.am/public/assets/images/news/5270/56d06e034e3ac521d4144b81fcdd30eb.jpg)
Արման Սաղաթելյանի նոր վեպը հետաքրքրել է շատերին։ Ու դա պատահական չէ, քանի որ այն պատմում է 1990-ականների Հայաստանի ու Արցախի մասին։ Առավել ևս, որ այդ տարիների մասին գեղարվեստական գործեր քիչ կան։ Ահա այն լրատվամիջոցների ցանկը (ակտիվ հղումներով), որոնք հրապարակել են Newmag-ի մամուլի հաղորդագրությունը կամ դրա հիման վրա պատրաստել են հոդված։
![Կյանքի նյարդը](https://newmag.am/public/assets/images/books/ca5af16d3e34806a9dd9880a5bd88793.jpg)
Արման Սաղաթելյան
4800 ֏
Նկարագրություն
Ինչո՞վ էր զբաղված և ինչ էր մտածում հայ երիտասարդը 1990-ականներին, ԽՍՀՄ փլուզման, անկախացման, արցախյան գոյամարտի և էներգետիկ ճգնաժամի տարիներին: Զգու՞մ էր պատմական փոփոխությունների անդառնալիությունը, որի ականատեսն էր ավագ սերունդը: Եվ ի՞նչ էր նշանակում լինել 17-ամյա անհոգ պատանի երկրի համար ամենաբարդ ժամանակներում: Արման Սաղաթելյանի ինքնակենսագրական վեպը ներկայացնում է 1991-93 թվականների Հայաստանը: Այն սև ու սպիտակ չէ , ոչ միայն հաղթական գոյամարտի մասին է, այլև ցրտի և մթի: Ամեն ինչ ոչ շատ վատ էր, ոչ էլ լավ: Հեղինակի ձևակերպմամբ՝ տանելի էր:
Այս գիրքը ռազմաճակատում հայտնված երկու երիտասարդի մասին է: Նրանք ծնողներից թաքուն մեկնում են Արցախ և մասնակցում Չլդրանի համար մղվող մարտերին: Արցախյան պատերազմը նկարագրված է ականատեսի աչքերով. ոչինչ չափազանցված չէ՝ ո՛չ վախը, ո՛չ համարձակությունը, ո՛չ մահը, ո՛չ էլ պայքարը: Չլդրանի համար մղված մարտը բախտորոշ է եղել, քանի որ դարձել է պատերազմի ամբողջ ընթացքի բեկումնային պահերից մեկը: 1993-ի փետրվարի 5-ին Չլդրանի ազատագրմանը հաջորդել են հայկական ուժերի գարնանային լայնածավալ հակահարձակումը և Մարտակերտի շրջանի ամբողջական ազատագրումը: