«Becoming» գիրքը Միշել Օբամայի կայացման պատմությունն է (տեսանյութ)
![newmag-y-n](https://newmag.am/public/assets/images/posts/5141/9aed30799728f5af6e043b206819eb48.jpeg)
Հաջողությունը կախարդանք չէ: Միշել Օբաման բացահայտում է անհնարինը հնարավոր դարձնելու երեք կանոն՝ աշխատանքային էթիկա, հավատ և ինքնավստահություն: Միշտ կլինի մեկը, որ կասի՝ դու չես կարող: Հասարակությունն էլ կասի՝ չես կարող: Բայց ամենակարևորը՝ ներքին ձայնն է:
Ինչպե՞ս հեռու մնալ մարդկանցից, որոնք իրենց պահանջներով խցկվում են ձեր կյանք ու որոշում, թե ով եք դուք: Եվ վերջապես, ինչպե՞ս է փոխվում ձեր կյանքը, երբ ազատվում եք նրանցից: Միշել Օբաման բերում է սեփական օրինակը:
«Becoming. Իմ պատմությունը» գրքի գլխավոր ուղերձն է` կայացումը չի ավարտվում: Չկա մի կետ, որին կարող եք հասնել ու ասել վերջ, ես դա արեցի: Եթե մտածում եք, որ կգա մի օր ու կդադարեք սովորել, ուրեմն շատ տխուր է, որովհետև էլ ոչինիչ իմաստ չի ունենա:
«Becoming. Իմ պատմությունը» հիասթափությունից հաղթանակ տանող ճանապարհի մասին է: Այն պատմություն է չվախենալու, վախենալու դեպքում էլ` չամաչելու մասին: Սա Միշել Օբամայի կայացման պատմությունն է, որտեղ բոլորն իրենց ծանոթ իրավիճակ ու հոգեվիճակ կգտնեն:
![Becoming. Իմ պատմությունը](https://newmag.am/public/assets/images/books/0854ebf1245ba93c7dacd2095d48dfd1.jpg)
Միշել Օբամա
5800 ֏
Նկարագրություն
Երբ Միշել Ռոբինսոնը փոքր աղջիկ էր, նրա աշխարհը սահմանափակվում էր Չիկագոյի Սաութ Սայդ թաղամասով: Այդտեղ նա ապրում էր երկհարկանի շենքի մի փոքրիկ բնակարանում՝ ննջասենյակը կիսելով եղբոր՝ Քրեյգի հետ: Շուտով կյանքը նրան տարավ շատ ավելի հեռու՝ Փրինսթոնի համալսարան, որտեղ առաջին անգամ սեփական մաշկի վրա զգաց, թե ինչ է նշանակում լինել լսարանում միակ սևամորթ կինը։ Հետո հայտնվեց ապակեպատ մի աշտարակում, որտեղ աշխատում էր որպես կորպորատիվ իրավաբան: Ու հենց այնտեղ ամռան մի առավոտ նրա աշխատասենյակում հայտնվեց իրավաբանական ֆակուլտետի ուսանող Բարաք Օբաման ու գլխիվայր շուռ տվեց խնամքով մշակած նրա բոլոր ծրագրերը: Գրքում Միշել Օբաման առաջին անգամ խոսում է իր ամուսնության վաղ շրջանի մասին, երբ ձգտում էր և՛ աշխատել, և՛ ընտանիքի հոգսերը հոգալ, և՛ նպաստել ամուսնու քաղաքական վերելքին: Նա անկեղծորեն պատմում է ընտանեկան վեճերի մասին, թե իր ամուսինը պե՞տք է առաջադրվի նախագահի թեկնածու, և թե ինչպես ինքը դարձավ քարոզարշավի ամենաճանաչված ու հաճախ քննադատված դեմքը, հետո էլ՝ ԱՄՆ առաջին տիկինը։ «Իմ պատմությունը» գիրքը պատմում է Այովա նահանգի համեստ բնակավայրերի ու Բուքինգհեմյան պալատի շքեղ սրահների մասին, պարուրում սրտամորմոք վշտով, սովորեցնում դիմակայել դժվարություններին: Իր կյանքի պատմությունը համարձակորեն շարադրելով՝ նա մարտահրավեր է նետում բոլորիս, որպեսզի մտածենք ու հասկանանք՝ ով ենք մենք և ինչի ենք ուզում հասնել:
Կարդա նաև
![Հեռուստաշնորհանդես / Քարեն Մակմանուս, «Մեզնից մեկը հաջորդն է»](https://newmag.am/public/front/assets/images/placeholder.jpg)
Հեռուստաշնորհանդես / Քարեն Մակմանուս, «Մեզնից մեկը հաջորդն է»
![Հարց, որ բոլորին է հուզում՝ Արդյոք Հիսուս Նազովրեցին իսկապես Հարություն էր առել (տեսանյութ)](https://newmag.am/public/front/assets/images/placeholder.jpg)
Հարց, որ բոլորին է հուզում՝ Արդյոք Հիսուս Նազովրեցին իսկապես Հարություն էր առել (տեսանյութ)
![newmag-ի որ գրքերն են հայտնվել 21-րդ դարի լավագույն 100 գրական գործերի ցանկում](https://newmag.am/public/front/assets/images/placeholder.jpg)
newmag-ի որ գրքերն են հայտնվել 21-րդ դարի լավագույն 100 գրական գործերի ցանկում
![2 նոր գիրք` «Երազ» մանկական մատենաշարից (տեսանյութ)](https://newmag.am/public/front/assets/images/placeholder.jpg)
2 նոր գիրք` «Երազ» մանկական մատենաշարից (տեսանյութ)
![Book donation / Vanadzor. 500 գիրք Վանաձորի գրադարաններին (լուսանկարներ)](https://newmag.am/public/front/assets/images/placeholder.jpg)