Հարց, որ բոլորին է հուզում՝ Արդյոք Հիսուս Նազովրեցին իսկապես Հարություն էր առել (տեսանյութ)

Խճճված գործերում ճշմարտության վրա լույս սփռող Chicago Tribune-ի հետաքննող լրագրողը մի օր որոշում է հետաքննել մարդկության մեծագույն իրադարձությունը ու գտնել միայն մեկ հարցի պատասխան՝ արդյոք Հիսուս Նազովրեցին իսկապես Հարություն էր առել:

Պատճառը՝ կինն էր, որը խորապես տարվել էր քրիստոնեությամբ, իսկ ինքը՝ աթեիստ էր: Ընտանեկան հարաբերությունները փրկելու համար էլ Լի Ստրոբելն անցնում է գործի՝ կնոջը ապացուցելու համար, թե փաստերը հօդս են ցնդեցնում այն ամենը, ինչին հավատում է նա ու ևս երկու միլիարդ մարդ:

Լրագրողական հետաքննությունը Լի Ստրոբելին տանում է անկանխատեսելի ճանապարհներով, ծանոթացնում բացառիկ վկայությունների հետ: Աշխարհի լավագույն պատմաբանները, աստվածաբաններն ու մարդաբանները, նույնիսկ բժշկագիտության ոլորտի մասնագետները ներկայացնում են փաստեր, որոնց հիման վրա հետաքննելով Քրիստոսի գործը՝ Լի Ստրոբելը մոտենում է իր համար մեծագույն առեղծվածի բացահայտմանը:

Նա բարձրացնում է ամենապարզ հարցերը, անկեղծորեն փորձում զտել հրաշքը ճշմարտությունից: Հանդուգն, համարձակ, լրագրողական համառությամբ ու ամերիկյան անկաշկանդվածությամբ Լի Ստրոբելը «Քրիստոսի իսկության վարույթը» գրքում հանգում է իր համար անսպասելի եզրակացության:

Ու ճանապարհի վերջում դառնում հավատավոր քրիստոնյա: 

Կարդացեք նաև

• Newmag-ը ներկայացնում է համաշխարհային բեսթսելլեր. Լի Ստրոբելի «Քրիստոսի իսկության վարույթը» գիրքը (թրեյլեր)
  
• «Զանգակ» գրատանը newmag֊ը ներկայացրեց Լի Ստրոբելի «Քրիստոսի իսկության վարույթը» գիրքը (լուսանկարներ)