«Սուպերհաղորդակցվողներ» գրքի հեղինակ Չարլզ Դահիգը ողջույնի խոսք է հղել հայ ընթերցողին (տեսանյութ)

«Սուպերհաղորդակցվողները» հաղորդակցության և մարդկանց հետ կապ ստեղծելու գիտության մասին է։ Գրքում Դահիգը ներկայացնում է նեյրոգիտության նոր բացահայտումներ և բացատրում, թե ինչ է տեղի ունենում մեր ուղեղում, երբ զրուցում ենք մեկ ուրիշի հետ։

«Մեր սովորած ամենակարևոր բաներից մեկն այն է, որ թեև մեզ կարող է թվալ, թե զրույցի ընթացքում խոսում ենք ընդամենը մեկ թեմայի մասին, իրականում ամեն մի զրույց բաղկացած է մի քանի տարբեր խոսակցություններից»։

Դահիգը առանձնացնում է հաղորդակցության երեք հիմնական տեսակ՝ գործնական, հուզական և սոցիալական.

«Կան գործնական խոսակցություններ, որոնց ընթացքում մենք փորձում ենք լուծել խնդիրներ։ Կան հուզական խոսակցություններ, երբ կիսվում ենք մեր զգացմունքներով։ Եվ կան սոցիալական խոսակցություններ, որոնց ընթացքում խոսում ենք, թե ինչպես ենք միմյանց հետ հարաբերություններ կառուցում և ինչպես ենք հարաբերվում հասարակության հետ։ Հասկանալը, թե ինչպիսի զրույցի մեջ ենք գտնվում և ինչ կանոններով է այն ընթանում, օգնում է մեզ ավելի հեշտ կապ հաստատել ուրիշների հետ, ընկերներ ձեռք բերել և միմյանց վստահել»։

Դահիգի խոսքով՝ հաղորդակցության այս մեխանիզմները հասկանալը կարևոր է ոչ միայն ավելի լավ զրուցելու, այլև այնպիսի հարաբերություններ կառուցելու համար, որոնցում մարդիկ իրենց իսկապես լավ են զգում։

Տեսաուղերձի վերջում Չարլզ Դահիգը հայ ընթերցողներին մաղթում է բազմաթիվ հրաշալի զրույցներ և սպասում նրանց կարծիքներին։

«Սուպերհաղորդակցվողներ» գիրքը հասանելի է գրախանութներում և newmag.am կայքում։

Գրքի հրատարակման նախաձեռնող՝ Ակբա բիզնես ակումբ

Գլխավոր գործընկեր՝ Ակբա բանկ

Կարդացեք նաև

• Newmag-ը ներկայացնում է Չարլզ Դահիգի New York Times-ի բեսթսելլեր գիրքը՝ «Սուպերհաղորդակցվողներ» (թրեյլեր)
• Newmag-ի և Ակբա բիզնես ակումբի նախաձեռնությամբ տեղի ունեցավ «Սուպերհաղորդակցվողներ» գրքի շնորհանդեսը (լուսանկարներ)