Newmag-ը ներկայացնում է «Փողի հոգեբանությունը» համաշխարհային բեսթսելլերի հեղինակի մյուս գիրքը՝ «Փողի ծախսաբանությունը» (թրեյլեր)

«Երբ կյանքում զգում ենք դատարկություն, մեր առաջին արձագանքը հաճախ այն է, որ փող է պետք», - ասում է Հաուզելը։ Սակայն արդյոք փողը երջանկացնում է։ Հեղինակը հարցադրում է անում՝ ո՞րն է մեր նպատակը. ավելի շատ փող ունենա՞լը, թե՞ ավելի լավ ապրելը։ Եթե փողը չի բերում ժամանակ, հանգստություն կամ ազատություն, ուրեմն ինչ-որ բան սխալ է մեր մոտեցման մեջ։

Հաուզելը մեզ սովորեցնում է վերանայել մեր վերաբերմունքը ծախսելու նկատմամբ։ Նա հիշեցնում է. «Փողը պետք է ծառայի, ոչ թե կառավարի քեզ։ Այն անհրաժեշտ է ավելի լավ կյանքով ապրելու համար, բայց երբ այն դառնում է քո ինքնության մասը, արդեն փողն է օգտագործում քեզ»։

Հաճախ մենք գնում ենք իրեր, որոնք իրականում մեզ պետք չեն, և հարստությունը շփոթում ենք կարգավիճակի ու դիրքի հետ։ Անընդհատ համեմատվելով ուրիշների հետ՝ մենք չենք կարողանում բավարարվել անգամ մեծ եկամուտ ունենալու պարագայում։ Հեղինակը հարցադրում է կատարում․ «Դու ծախսում ես, որովհետև դա քեզ երջանկացնո՞ւմ է, թե՞ որովհետև սոցիալական կարգավիճակն է պահանջում»։

«Փողի ծախսաբանությունը» գիրքը ոչ թե պատրաստի ֆինանսական բանաձևեր է առաջարկում։ Հեղինակը պատմությունների, հոգեբանական դիտարկումների և իրական օրինակների միջոցով բացահայտում է փողի, երջանկության, նախանձի, վախի ու ափսոսանքի բարդ կապերը՝ դառնալով «Փողի հոգեբանությունը» բեսթսելլերի տրամաբանական շարունակությունը։

Ամերիկացի գրող Մորգան Հաուզելը The Collaborative Fund-ի գործընկերն է, նախկինում The Motley Fool և The Wall Street Journal պարբերականներում եղել է սյունակագիր։ Երկու անգամ արժանացել է Ամերիկյան բիզնես խմբագիրների և գրողների միության Best in Business Award մրցանակին, ստացել է The New York Times-ի Sidney Award մրցանակը և երկու անգամ եղել ֆինանսական լրագրության հեղինակավոր Gerald Loeb Award մրցանակի եզրափակիչում։

«Փողի ծախսաբանությունը» գրքում նա օգնում է հասկանալ սեփական ցանկություններն ու որոշումները, խուսափել ծախսելու տարածված խայծերից և փողն օգտագործել որպես գործիք՝ ավելի ազատ, իմաստավորված ու բարեկեցիկ կյանք կառուցելու համար։

Newmag-ի մեկ այլ բեսթսելլեր հեղինակ Մարկ Մենսոնը ասել է. «Այս գիրքը մատնանշում է այն, ինչ բոլորս ներքուստ գիտենք, բայց չենք ուզում ընդունել. մենք գաղափար չունենք՝ ինչպես ծախսել մեր փողը»։ 

Հաուզելի ինչպես «Փողի հոգեբնությունը», այնպես էլ «Փողի ծախսաբանությունը» գրքերի գլխավոր գործընկերը Էփրիքոթ Կապիտալն է։ 

Շնորհանդեսը կանկացվի նախ պանելային քննարկմամբ, որին կմասնակցեն գրքի թարգմանիչ Դավիթ Սարգսյանը, խմբագիր Գնել Նալբանդյանը, Apricot Capital-ի գործադիր տնօրեն Վաչիկ Գևորգյանը, մոդերատոր՝ Դավիթ Մեջլումյան։ Քննարկմանը կհաջորդի «Խնայողությունների բաշխումը՝ ըստ ֆինանսական նպատակների» թեմայով դասախոսությունը։