Տեղի ունեցավ «Փողի ծախսաբանությունը» գրքի շնորհանդեսը (լուսանկարներ)

«Փողի ծախսաբանությունը» ձեռնարկում հեղինակը ցույց է տալիս, թե ինչպես պետք է ծախսել փողը՝ բարեկեցիկ ու երջանիկ լինելու համար։ Ըստ գրքի թարգմանիչ Դավիթ Սարգսյանի, Հաուզելի ձեռնարկը ասացվածքների մի մեծ շտեմարան է. 

«Գիրքն ավելի շատ մարդու հոգեբանության մասին է, քանի որ մարդու՝ փող ծախսելու վարքագիծը հիմնականում կախված է իր կենսափորձից ու նաև բարդույթներից։ Հեղինակն ասում է,որ գոյություն չունեն սխալ կամ ճիշտ ծախսեր։ Խնդիրն այլ է. գիրքը կօգնի, որ մարդիկ դադարենծախսել մի բանի վրա, որը ուրիշներին տպավորել ու համար է»։

Դավիթ Սարգսյանը կարծում է, որ Հաուզելի գիրքը փողի մասին տարրական գիտելիքների ու փողի հանդեպ քաղաքակիրթ վերաբերմունք ունենալու մասին է։

Գրքի խմբագիր Գնել Նալբանդյանի համոզմամբ, վերջին մի քանի հարյուր տարիներին հարուստ լինելն ու կրթություն ունենալը համարվում են հաջողության գրավական։ Խմբագիրը գիրքը բնութագրեց մեկ ասույթով՝ խելոք մարդն աղքատ չի լինում, իմաստուն մարդը չի կարող լինելհարուստ. 

«Մորգան Հաուզելն ասում է, որ մեր գնած թանկ իրերով ոչ ոք այնքան տպավորված չէ, որքան մենք։ Մեզ շրջապատող ամեն ինչ փող է, բայց փողն ամեն ինչ չէ։ Փողը պետք է դառնա միջոց, բայց ոչ նպատակ։ Մենք պետք է փող աշխատենք ոչ թե հարստանալու, այլ մեծ նպատակի համար»։

Գրքի գլխավոր գործընկեր Էփրիքոտ Կապիտալ ներդրումային ընկերության գործադիր տնօրեն Վաչիկ Գևորգյանը «Փողի ծախսաբանությունը» վերլուծեց ֆինանսական գրագիտության տեսանկյունից՝ հույս հայտնելով, որ ընթերցողները կդառնան ավելի գրագետ. 

«Առաջին գրքում հեղինակը ցույց է տալիս «Փողի հոգեբանությունը», այս գրքում, ինչ անել այդ փողը։ Մեր ընկերությունը ներդրումային է, մարդկանց սովորեցնում ենք ինչպես ծախսել, որպեսզի ամենօրյա սպառողական ծախսերից բացի, ձեռք բերենք նաև ֆինանսական անվտանգություն ու ֆինանսական ապահովություն, որը մարդու ազատության գրավականն է։ 

Գիրքը ցույց է տալիս, որ ծախսելը և խնայելը կամ ներդրում անելը չեն հակադրվում, քանի որ խնայելը ոչ թե չծախսել է, այլվաղվա համար ներդրում անելը։ Սովորաբար մարդկանց գլոբալ նպատակը պարզապես հարուստ լինելն է, շատ փող ունենալը, թանկ իրեր գնելը, բայց այդ ամենը սովորաբար չի երջանկացնում, քանի որ մարդը չունի ազատություն ու անկախություն»։

Շնորհանդեսի վերջում Էփրիքոտ Կապիտալ ներդրումային ընկերության գործադիր տնօրեն Վաչիկ Գևորգյանը պատմեց կարողությունների սահմանում ծախսեր անելու, խնայելու, տարեկան բյուջեն մեծացնելու ու պասիվ եկամուտը ժամանակի ընթացքում մեծացնելու մասին դասախություն։ 

«Խնայողությունների բաշխումը՝ ըստ ֆինանսական նպատակների» թեմայով դասախոսության ժամանակ Գևորգյանը ներկայացրեց նաև այն հարթակները, որտեղ կարելի է ներդրումներ անել, ինչպիսի ռիսկեր են դրանք պարունակում ու ինչ եկամուտ ստանալ։

Կարդացեք նաև

• Newmag-ը ներկայացնում է «Փողի հոգեբանությունը» համաշխարհային բեսթսելլերի հեղինակի մյուս գիրքը՝ «Փողի ծախսաբանությունը» (թրեյլեր)