[անհավանական] Դարի դատավարությունը․ Ինչո՞ւ խեղկատակ մայրը խեղդեց իր երկու տարեկան երեխային
Դենիզա Լաբեն փոստատարի աղջիկ է եղել: Ծնվել է 1926-ին՝ ֆրանսիական Մելիս գյուղում: Նրա հայրը 1940-ին ինքնասպան է եղել, որպեսզի գերի չընկնի գերմանացիներին: Դենիզան այդ ժամանակ համալսարանի ուսանող է եղել, որն ավարտելուց հետո ազգային վիճակագրաման ինստիտուտում քարտուղարուհի է աշխատել: Աղջիկը բազմաթիվ սիրեկաններ է ունենում, նրանցից մեկից աղջիկ է ունենում: Երեխային հանձնում է մոր խնամքին ու մեկնում Փարիզ: Ամեն շաբաթ և կիրակի օրերին նա այցելում է փոքրիկին: Շատերի հավաստմամբ, նա երեխային շատ էր սիրում:
28 տարեկանում Դենիզան ծանոթանում է 24 ամյա Ժակ Ալգերոնի հետ, որն անսովոր եռանդուն երիտասարդ էր՝ տարօրինակ գաղափարներով: Ալգերոնն արդեն մի քանի ապօրինի երեխա ուներ, որոնցից առաջինը ծնվել էր, երբ Ժակը 17 տարեկան է եղել: Ժակը, ևս, արտաամուսնական կապի ծնունդ էր, թերարժեքության բարդույթով էր տառապում՝ իրեն գերմարդ երևակայելով:
Մի անգամ նա Դենիզային հրամայում է փողոցում ծանոթանալ պատահական մարդկանց հետ, տուն բերել ու նրանց հետ սեքսով զբաղվել, որից հետո Դենիզային ստիպում է ներողություն խնդրել իրենից:
«Իմ սիրուն արժանանալու համար դու պետք է երկար տառապես»,–հայտարարում է նա, հավելելով, որ միայն այդպիսի զոհողությունը կարող է իրենց սերը դարձնել հավերժական:
Հատուցման համար նա Դենիզային առաջարկում է սպանել նրա երկու տարեկան աղջկան:
Կարդացեք նաև․
- Նրան տվեցին փուչիկներ, հետո սպանեցին. առեղծվածային մարդասպանություն, որը բացահայտվել է 27 տարի անց
- Սև Գեորգինի. սպանություն, որ չի բացահայտվում արդեն 70 տարի
- Ծրագրված կողոպուտ. մտածված՝ 4 ամսում, ձախողված՝ 1 օրում
Դենիզան հնազանդվում է, աղջկան վերցնելով մոր մոտից, փորձում է պատուհանից նետել, բայց հարևանը տեսնելով, թույլ չի տալիս և սպառնում է, որ կդիմի ոստիկանություն:
Այնուհետև Դենիզան փորձում է աղջկան նետել գետը, բայց այս անգամ էլ անցորդներից մեկն է փրկում երեխային: 1954-ին Լաբեն երեխային խեղդում է լվացքի մեքենայի մեջ: Ալգերոնը գոհ է մնում:
Այդուհանդերձ, Լաբեին խիղճը տանջում է, և նա հարևանների ու ոստիկանների մոտ ընդունում է մեղքը: Ալգորենին նա բնութագրում է որպես ինքնուրացման գաղափարները կրող փիլիսոփա: «Նա խոստացել էր ամուսնանալ ինձ հետ, եթե ես սպանեի Քեյթին», ողբում էր Դենիզան:
Երդվյալ ատենակալների դատարանը 1955-ին Դենիզա Լաբեին ու Ժակ Ալգերոնին մեղավոր է ճանաչում: Լաբեն դատապարտվում է ցմահ, իսկ Ալգերոնը 20 տարվա ազատազրկման: