[cinemastar] 3 ֆիլմի պրեմիերա. ի՞նչ նոր ֆիլմեր կարելի է դիտել մարտի 15-ից
March 13, 2018
Tomb Raider: Լարա Քրոֆթ / Tomb Raider
- Ռեժիսոր` Ռոար Ութհաուգ
- Դերերում` Ալիսիա Վիկանդեր, Հաննա Ջոն-Քեյմեն, Ուոլթոն Գոգինս
- Ժանր` մարտաֆիլմ, արկածային
- Տևողությունը` 130 րոպե
- Տարիքը` 14+
Լարա Քրոֆթը էքսցենտրիկ արկածներ որոնողի բավականին ինքնուրույն դուստրն է, ում հայրը կորել էր, երբ նա նոր էր դեռահաս դարձել։ Այժմ նա 21 տարեկան է և աննպատակ վատնում է իր կյանքը, իսկ իր աշխատած գումարը հազիվ բավականացնում է բնակարանի վարձի և համալսարանի դասերի համար։ Ամեն ինչի ինքնուրույն հասնելու նպատակ ունենալով, նա հրաժարվում է ղեկավարել իր հոր գլոբալ կայսրությունը, ինչպես նաև հրաժարվում է հավատալ, որ նա իսկապես կորել է։ Լսելով խորհուրդներ, որ նա պետք է համակերպվի այդ մտքի հետ և 7 տարի առանց արդյունքի որոնումներից հետո շարունակի ապրել, Լարան ինքն արդեն չի հասկանում, թե ինչն է ստիպում նրան բացահայտել իր հոր առեղծվածային մահվան հանգամանքները։
Լեդի Բըրդ / Lady Bird
- Ռեժիսոր` Գրետա Գերվիգ
- Դերերում` Սիրշա Ռոնան, Լորի Մեթքաֆ, Թրեյսի Լեթս, Լուկաս Հեդջես, Թիմոթի Շալամե
- Ժանր` դրամա, կոմեդիա
- Տևողությունը` 105 րոպե
- Տարիքը` 16+
Քրիստինա ՄակՖերսոնը սովորում է Սակրամենտոյի կոնսերվատիվ կաթոլիկ դպրոցում։ Նա փնտրում է իրեն, իր տեղը աշխարհում և փորձում է չնմանվել ուրիշներին։ Նրա մազերը ներկված են տարօրինակ կարմրավարդագույն, իսկ Լեդի Բըրդ անունը նա ինքն իրեն է տվել և բոլորին խնդրում է նրան այդպես անվանել։ Եվ նրա գլխավոր երազանքն է դուրս գալ այդ գյուղական միջավայրից և գնալ սովորելու Նյու Յորք:
[embed]https://www.youtube.com/watch?v=sHzB3j2ClMc[/embed]
Շերլոք Գնոմս / Sherlock Gnomes
- Ռեժիսոր` Ջոն Սթիվենսոն
- Դերերում` Էմիլի Բլանտ, Ջոնի Դեփ, Ջեյմս ՄակԷվոյ, Մեգի Սմիթ
- Ժանր` մուլտֆիլմ, ֆենթեզի, մելոդրամա
- Տևողությունը` 100 րոպե
- Տարիքը` 6+
Գնոմեոյին և Ջուլիետային սպասում են նոր արկածներ, այս անգամ Լոնդոնում։ Երբ հերոսները ընտանիքի և ընկերների հետ տեղափոխվում են քաղաք, նրանց գլխավոր խնդիրն է դառնում պատրաստել այգին գարնան գալուն։ Սակայն շուտով նրանք իմանում են վատ նորություն՝ ամբողջ Լոնդոնով առեղծվածային կերպով անհետանում են նրանց ցեղակից գնոմները։ Եվ մի անգամ, վերադառնալով տուն, Գնոմեոն և Ջուլիետան հայտնաբերում են, որ նրանց հարազատները ևս կորել են։ Այդ իրավիճակում նրանց օգնության կարող է հասնել միայն Շերլոք Գնոմսը։ Հանրահայտ խուզարկուն դառնում է լոնդոնյան այգիների բնակիչների պաշտպանը և իր հավատարիմ ուղեկցորդի՝ Վաթսոնի օգնությամբ սկսում է բացահայտել առեղծվածը։
[embed]https://www.youtube.com/watch?v=3ewDCx7kqx4[/embed]