Ի՞նչ պետք է իմանա զբոսաշրջիկը տուրիստական ընկերություն դիմելիս
Հանգիստ պլանավորելիս երբեք չի կարելի մոռանալ այն մասին, որ ոչ բոլոր տուրիստական գործակալություններն են առաջնորդվում «լավագույնը՝ հաճախորդին» կարգախոսով: Տուրիստական գործակալություն ընտրելիս անպայման հաշվի առեք նրա ունեցած հեղինակությունն ու փորձը, թեև հաճախ դա էլ բավարար չէ տհաճ իրավիճակներից խուսափելու համար: Եվ այսպես, ինչ անել, որպեսզի հանգիստը չփչանա տուրիստական գործակալության չափազանցված գովազդի ու անփութության հետևանքով:
ԹԵԺ ՈՒ ՎԱՌՎՈՂ ՏՈՒՐԵՐ
Երբևէ մտածե՞լ եք, թե ինչու են տուրիստական գործակալություններն առաջարկում թեժ, վառվող, աննախադեպ և այլ գրավիչ անուններով տուրեր, թե՞ քիչ գումար ծախսելով հագնստանալու գայթակղությունն ավելի ուժեղ է: Չէ՞ որ «վառվել» կարող է ﬕայն վատ սպասարկումով կամ պայմաններով հյուրանոցը: Բարձր վարկանիշ ունեցող տուրիստական գործակալությունները երբեք չեն առաջարկում նման տուրեր: Բացի այդ, «վառվող» տուր անվան տակ Ձեզ կարող են վաճառել իրական արժեքով և անգամ ավելի բարձր գնով տուրը:
ՕՐԵՐԻ ՔԱՆԱԿ
Ճանապարհորդները հաճախ միամտաբար կարծում են, որ տուրիստական 1 շաբաթը հենց 7 օրն է: Իրականում տուրերը հաշվարկվում են՝ ըստ հյուրանոցում անցկացված գիշերների քանակի: Այնպես որ, ﬕշտ ճշտեք հանգստավայր հաշվարկվում են՝ ըստ հյուրանոցում անցկացված գիշերների քանակի: Այնպես որ, ﬕշտ ճշտեք հանգստավայր ժամանելու և այնտեղից վերադառնալու հստակ ժամանակը: Այսպիսի անհամապատասխանության պատճառով կարելի է հանգստի 1-2 օրը կորցնել:
ԲԺՇԿԱԿԱՆ ԱՊԱՀՈՎԱԳՐՈՒԹՅՈՒՆ
Անպայման ճշտեք, թե որ ընկերությունն է զբաղվելու ձեր բժշկական ապահովագրությամբ, որքան պետք է վճարեք ապահովագրության համար, ինչ գնացուցակ է գործում ծառայությունների համար և այլն: Պայմանական ֆրանշիզայով բժշկական ապահովագրությունը գրեթե ոչ մի կերպ ձեզ չի պաշտպանում: Եթե ապահովագրության գինը ներառված է տուր փաթեթի գնի ﬔջ, ﬕ զլացեք և մանրամասն կարդացեք, թե տվյալ երկրում բժշկական ապահովագրության համար ինչ պահանջներ են ներկայացվում: Արժե վճարել փոքր-ինչ ավելին, բայց վստահ լինել, որ արտասահմանում ﬖասվածքի կամ հիվանդության դեպքում ստիպված չես լինի հսկայական գումար վճարել, չէ՞ որ արտասահմանցիների համար բժշկական ծառայությունները ﬕ քանի անգամ ավելի թանկ արժեն:
ՀԱՄԱՐՆԵՐ ՉԿԱՆ
Հյուրանոցային բիզնեսում այսպիսի փորձառություն գոյություն ունի. հյուրանոցները հիմանականում վաճառում են 10- 15% ավելի համարներ, քան իրականում ունեն, որովհետև հենց այդ քանակությամբ մարդիկ հրաժարվում են իրենց ամրագրուﬕց: Գումարը չկորցնելու համար հյուրանոցը այդ 15%-ը վաճառում է երկու անգամ: Եթե հյուրանոցն ամրագրելուց և այնտեղ ժամանելուց հետո այսպիսի իրավիճակում եք հայտնվել, հյուրանոցը պարտավոր է ձեզ առաջարկել ﬔկ այլ հյուրանոց, որն ավելի բարձր կարգի է: Բայց այստեղ էլ հաճախ փորձում են խաբել զբոսաշրջիկներին՝ համոզելով, որ հավելավճարի կարիք կա: Կամ այդ կերպ վաճառում են իրենց լյուքս և դելյուքս սենյակները ստանդարտ համար պատվիրած զբոսաշրջիկին: Հենց այսպիսի իրավիճակների համար էլ գոյություն ունեն հյուրանոցների վարկանիշները ու զբոսաշրջիկների կարծիքները ներկայացնող կայքերն ու հավելվածները:
ԱՎԻԱԸՆԿԵՐՈՒԹՅՈՒՆ
Շատ հաճախ տուր փաթեթի գնի էժանությունն ապահովում է ցածր գնով ավիաընկերությունը, որի բացասական կողﬔրը ավելի քան շատ են՝ հին ինքնաթիռ, էժան վառելանյութ, ոչ բարձր որակավորում և աշխատավարձ ունեցող օդաչուներ, թռիչքի անհարմար ժաﬔր, վատ սպասարկում և այլն:
ALL INCLUSIVE
Այս բառերը կախարդական են հնչում, ու թվում է, թե ոչ ﬕ լումա ավելի չես ծախսի ճամփորդության ընթացքում, անգամ դրամապանակը բացելու անհրաժեշտություն չի լինի: Բայց այն ամենը, ինչի համար վճարում եք All Inclusive-ի գինը, կարող է այդպես էլ ձեզ պետք չգալ: Ուսուﬓասիրեք ներառված ծառայությունների ցանկը և որոշեք, թե առանց որի ձեր հանգիստը ﬕևնույն է հրաշալի կանցնի: Օրինակ, տուրերը, էքսկուրսիաները, որոնք առաջարկվում են հյուրանոցում, բավական թանկ արժեն, ﬕնչդեռ ինքնուրույն ինչ-որ տեղ գնալը շատ ավելի հետաքրքիր կարող է լինել: Շատ երկրներում սնունդը նույնպես ավելի մատչելի ու հաﬔղ է շրջակա ռեստորաններում ու սրճարաններում, քան հյուրանոցի տարածքում:
Զբոսաշրջային բիզնեսում քիչ չեն խորամանկություններն ու ծուղակները, և ﬕշտ գերադասելի է ուշադիր և տեղեկացված լինել: Ճամփորդությունից առաջ ժամանակ հատկացրեք նաև նշված կետերի մասին մտածելուն, և ոչ ﬕ խնդիր ու անախորժություն ձեզ չեն սպառնա: