Ի՞նչ անել արձակուրդային ֆոտոները
December 13, 2018
- Տեղադրեք դրանք համակարգչի կամ հեռախոսի էկրանին
Էկրանի վրա դրված ֆոտոն կհիշեցնի արձակուրդի մասին, կօգնի հաղթահարել աշխատանքային խնդիրները, դեդլայնները, սթրեսը:
- Պատվիրեք ֆոտոգիրք
Ֆոտոգիրք կարելի է պատրաստել, օրինակ Միլիգրամ հավելվածի շնորհիվ: Այն վիրտուալ ֆոտոալբոմ է, որտեղ կարելի է նաև այլ ֆոտոհուշանվերներ պատրաստել. Տպագիր ֆոտոգրքերը բաղկացած են մի քանի տասնյակ պատկերներից: Հեռախոսից կամ սոցցանցերի ալբոմներից ընտրեք լավագույն ֆոտոները, տեղադրեք դրանք գրքի էջերի վրա և ուղարկեք տպագրության:
- Հիշողությունների պատ
Կարող եք պաննո պատրաստել ֆոտոներից՝ մեխերով, գրասենյակային տարբեր աքսեսուարներով: Ավելի պարզ լուծումներ էլ կան. Կան հատուկ շրջանակներ, որտեղ կարող եք տարբեր ֆոտոներ միժամանակ տեղադրել: Իհարկե, ավելի հետաքրքիր կլինի, եթե ինքներդ պատրաստեք:
- Կոլաժ
Եթե չեք կարողանում ընտրել, թե որ նկարը տպեք ու պատից կախեք, ընտրեք միանգամից մի քանիսն ու կոլաժ պատրաստեք: Կամ ընտրեք ամենահաջողված նկարն ու այն բազմացրեք տարբեր գույներով ու էֆեկտներով:
Կարդացեք նաև.
[ Ո՞ւր գնալ ] Եթե արևի և ծովի սիրահար եք ու նախընտրում եք ձմեռային արձակուրդը
Ինչպե՞ս արձակուրդից հետո վերադառնալ աշխատանքի և չտառապել
Հանգստանալու 3 միջոց, եթե արձակուրդին դեռ երկար կա
- Շապիկ
Գրեթե յուրաքանչյուր ֆոտոընկերությունում կարելի է շապիկի վրա տպել ընտրած լուսանկարը:
- Ֆոտոներով մագնիսներ
Ամեն անգամ սառնարանին մոտենալիս, կտեսնեք ձեր լավագույն օրերի հուշերը՝ հաճելի է ու կօգնի զսպել ախորժակը, քիչ ուտել, որպեսզի պատրաստ լինեք հաջորդ արձակուրդին:
- Փազլ
Երեխաները հաճախ անտարբեր են հուշանվերների նկատմամբ, բայց սիրում են գլուխկոտրուկներ: Լուսանկարը վերածեք փազլի: Կան հավելվածներ, որոնք թույլ են տալիս լուսանկարից ստանալ փազլ: Պարզապես այն պետք է տպել:
- Տպեք պոստեր
Նորից հավելվածների միջոցով ստացեք ֆոտոքարտեր, պոստերներ կամ կոլաժ:
- Նկարն ուղարկեք ձեր նախկինին
Եթե չեք վախենում խղճուկ երևալուց, լավագույն ֆոտոներն ուղարկեք ձեր նախկինին: Հիշեցրեք նրան ձեր մասին, որպեսզի նա հասկանա, թե ինչ է կորցրել:
- Ջնջեք դրանք
Հիանալի տարբերակ է նրանց համար, ովքեր ապրում են ներկայով ու նայում միայն ապագային: Ինչու հիանալ անցյալ տարվա արձակուրդի ֆոտոներով, եթե մոտենում է հաջորդը: