5 կարևոր ունակություններ, որոնք գործատուները կգնահատեն 2020 թվականին
Համաշխարհային տնտեսական համաժողովը մի շարք բացահայտումներ արեց ապագայի աշխատաշուկայի վերաբերյալ: Պարզվում է՝ գործատուները կարևորում են այնպիսի հատկանիշներ, որոնք մինչև հիմա այդքան էլ ուշադրության չեն արժանացել: Պատճառը տեխնոլոգիաների զարգացումն է: Փորձագետները վստահ են, որ ավտոմատացված դարաշրջանում շատ ավելի է կարևորվում մարդկային գործոնը:
Եվ այսպես, ինչպիսի հմտություններ են պետք ապագայում:
1. Վերլուծելու և որոշումներ կայացնելու, խնդիրները համապարփակ լուծելու ունակություններ
Աշխատակից, որը կարող է համակարգել, վերլուծել ու կայացնել օպտիմալ որոշումներ: Այս հատկություններով օժտված մասնագետը կարող է կանխատեսել խնդիրներն ու նախօրոք կանխել դրանք:
2. Քննադատական մտածողություն, կրեատիվ մոտեցում և ճկուն միտք
Տեխնոլոգիաները կատարելագործվում են: Արհեստական բանականությունն արդեն շատ առաջ է անցել, սակայն քննադատաբար ու ստեղծագործաբար մտածելու ունակություն ունի միայն մարդը: Հենց այդպիսի մտածելակերպով մասնագետներ են անհրաժեշտ մոտ ապագայում: Արագ կողմնորոշումը կօգնի ներդնել նոր գաղափարներ ու նոր մոտեցումներ: Սա է ապագայի բանալին։
3. Մարդկանց կառավարելու, նրանց հետ փոխգործակցելու ունակություն
Գործատուներին պետք են առաջնորդներ, որոնք կարող են բացահայտնել մարդկանց հնարավորություններն ու զարգացնել դրանք: Ներքին հմայք, թիմում աշխատելու ունակություն, որը չունի ռոբոտը: Հոգատարությունը, համագործակցությունը, պատասխանատվությունը ապագայում հաջողակ լինելու նախապայմաններն են:
Կարդացեք նաև.
- Եթե հանկարծ մահանամ, ընկերությունս 10 մլն դոլար փոխհատուցում կստանա. Փիթեր Քորբիթի արժեքը՝ մարքեթինգային ոլորտում
- Ի՞նչն է Ձեզ խանգարում հարստանալ և հասնել ցանկալի նպատակներին. Խուսափեք անհեռատես որոշումներից
- «Դրախտային կղզիների արխիվը». Nike-ի, Apple-ի և ռուսաստանյան բեռնափոխադրումների կենտրոնը
4. Բանակցությունը վարելու հմտություն
Տարաձայնությունները լուծելու հմտություններ, փոխզիջումների ու բակացությունների միջոցով ընդհանուր եզրակացության գալու կարողություն՝ վստահ եղեք, որ հենց սա է պահանջված համակարգչային դարաշրջանում:
5. Հուզական բանականություն
Սա այն գլխավոր հատկությունն է, որ երբեք չի կարող ունենալ մեքենան: Զգացմունքները բնորոշ են միայն մարդ արարածին, հետևաբար ապագայում գոյատևելու միակ ուժը մարդ մնալու մեջ է: