Այս գրքի պարագայում «ինչու կարդալ» հարցն ավելորդ է
Յուրաքանչյուր գիրք ընթերցելուց առաջ մարդկանց մոտ ծագում է մի հարց՝ ինչու կարդալ։ Այս գրքի պարագայում այդ հարցը թերևս ավելորդ է։ Գիրքը հարուստ է պատմական, տնտեսական, ֆինանսական ոլորտների մասին արժեքավոր տեղեկություններով, այն արդիական մարդու համար հիանալի հանրագիտարան է հասկանալու, թե ինչպես են գործել տնտեսությունները նախկինում, և թե ինչպես են գործում նրանք հիմա։ Ինչպե՞ս ստացվեց, որ Անգլիայի տնտեսությունը երկրորդ համաշխարհային պատերազմից հետո կտրուկ վերելք ապրեց, ինչու է Չինաստանի տնտեսությունը վերելք ապրում, ինչու շատ երկրներ չեն հաջողում ունենալ տնտեսական կայուն աճ, ինչ թերություններ ունեին և ունեն բանկային համակարգերը ․․․հարցեր, որոնց պատասխանը հանգամալիորեն տալիս է հեղինակը։
Ամբողջ գրքի ընթացքում հեղինակը պաշտպանում է իր այն միտքը, որ վատ օրենք ունենալը Մեծ Անկման սկիզբն է․ հաջողում են ոչ թե բարդ համակարգերը, այլ պարզ։ Ցանկացած երկրի զարգացման աղբյուրներից մեկը կայանում է որակյալ կրթությունը, ըստ հեղինակի 21-րդ դարի կրթական հեղափոխությունը ոչ թե մեծաթիվ երեխաներին կրթությամբ ապահովելն է, այլ որակյալ կրթությամբ ապահովելն է։ Գիրքը հետաքրքիր է, ընթերցողների մոտ առաջացնում է մտածելու, սեփական դատողություններով հեղինակին հակակշելու ցանկություն։