Աշխատանք՝ տնից․ ինչպե՞ս վերահսկել հեռակա աշխատողին և լավ արդյունքի հասնել
Առաջին փաստը, որ պետք է հիշել, այն է, որ աշխատակիցներն իրենք են ընդունակ գնահատել իրենց աշխատանքի որակը, շտկումներ անել ու բարելավել իրենց ցուցանիշները: Սակայն դրա համար պետք է տրամադրել 3 կարևոր բան՝ կոորդինատների հասկանալի համակարգ, KPI և վստահություն:
- Ամենապարզը խնդիրների վերահսկումն է: Այստեղ կօգնի KPI համակարգը: Ի ցույց եք դնում թափանցիկ որակական-քանակական ցուցանիշներ և յուրաքանչյուր ժամանակահատվածում գնահատում՝ արդյո՞ք կատարվել է պլանը և որքանո՞վ է լավ կատարվել:
- Կոորդինատների համակարգում հարցն ավելի բարդ է դրված. նրա հիմքում ընկած է համակարգված հետադարձ կապը, որի շնորհիվ աշխատակիցներն իմանում են՝ ճի՞շտ ուղղությամբ են իրենք շարժվում, թե՞ ոչ, իսկ ղեկավարը նրանց շարքերում կարգապահություն է պահպանում:
Հետևաբար առաջինը, որ պետք է ստեղծել, հասկանալի կոորդինատներն են, որոնց համաձայն՝ աշխատակիցները հեշտությամբ որոշեն իրենց շարժման ուղղությունը: Հեռակա աշխատակիցների դեպքում հարկավոր է էլեկտրոնային ձև ներմուծել, որը լրացնում են ներգրավված բոլոր կողմերը ժամանակի միևնույն պահին ու պարունակում է կետեր, ըստ որոնց յուրաքանչյուրը գնահատում է թե՛ իր, թե՛ գործընկերների աշխատանքը: Հետևաբար յուրաքանչյուր աշխատակից հնարավորություն է ստանում համեմատել իր գնահատականը կոլեկտիվի գնահատականի հետ ու ձևավորել աշխարհի ադեկվատ պատկերը:
Կարդացեք նաև․
- Վերջնաժամկետներ և ընդհատումներ. ինչպե՞ս է շտապելն ազդում աշխատանքի որակի վրա
- 7 միջոց արդյունավետ աշխատանքային ընդմիջում կազմակերպելու համար
- Ինչպե՞ս ազատվել աշխատանքից և չփչացնել ղեկավարության հետ հարաբերությունները
Հետադարձ կապն օբյեկտիվ է, բայց նաև պարունակում է բացասական կողմեր: Ղեկավարի խնդիրն է ՝ այնպես անել, որ մարդը ոչ միայն ցանկանա հետադարձ կապ ստանալ, այլև զարգանա դրա հիման վրա: Այստեղ մենեջմենթից պահանջվում է անկեղծություն ու հասուն վերաբերմունք:
Իսկ ի՞նչ է նշանակում հասուն վերաբերմունք: Հոգեբան Էրիկ Բեռնն առանձնացնում էր ես-ի 3 վիճակ՝ Երեխա, Ծնող և մեծահասակ: Երեխան այն է, երբ ղեկավարը երկխոսությունը վարում է «Ես չգիտեմ ինչն ինչպես է, բայց դու պետք է անես ասածը»: Ծնողական դիրքորոշումը դրսևորվում է, երբ ղեկավարը ցույց է տալիս իր կարծիքով միակ ճիշտ ուղղությունը և պահանջում, որ աշխատակիցները դրանից չշեղվեն: Իսկ մեծահասակ վերաբերմունքը ենթադրում է շփման ձևեր, երբ ղեկավարն առաջարկում է աշխատակցի հետ մտածել՝ ինչ անել, որ, դիցուք, բարելավվի արդյուքը:
- Այստեղից բխում է արդյունավետ կառավարման ռազմավարության 3-րդ պայմանը՝ վստահությունը: Երբ կառավարումը բաց է, դա վստահության դրսևորում է և աշխատակիցներն իրենց վրա ավելին են վերցնում, քանի որ հասկանում են, որ վերջնական արդյունքը կախված է իրենցից յուրաքանչյուրից:
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)