ՈՒՇԱԴՐՈՒԹՅՈՒՆ. Newmag-ը և «Թովմասյան» հիմնադրամը հայտարարում են գրական նոր մրցույթ

Newmag հրատարակչությունը «Թովմասյան» հիմնադրամի հետ հայտարարում է երիտասարդ հեղինակների համար գրական մրցույթ: Այդ նախաձեռնության նպատակն է բացահայտել և խթանել երիտասարդ գրողների ստեղծագործական ներուժը: Նրանց համար տրամադրել հարթակ՝ օգտագործելու գրականությունը որպես ինքնարտահայտման միջոց:

Մրցույթը նախատեսված է գեղարվեստական ոճում գրված արձակ ստեղծագործությունների համար, իսկ մասնակցության հնարավորություն ունեն 18-35 տարեկան Հայաստանում բնակվող բոլոր ստեղծագործողները:

• Մրցույթին մասնակցելու համար անհրաժեշտ է ներկայացնել՝
  
• Ինքնակենսագրություն (pdf),
  
• Հեղինակի լուսանկար (jpeg),
  
• Անձը հաստատող փաստաթղթի պատճեն,
  
• Գրական գործից 15-30 էջից բաղկացած հատված (word):
  

Մրցույթի պայմանները՝

• Նույն հեղինակը կարող է մասնակցել միայն մեկ ստեղծագործությամբ,
  
• Ստեղծագործությունը պետք է լինի նախկինում չհրատարակված,
  
• Տեքստը պետք է գրված լինի հայերեն՝ 12 տառաչափով, միջտողային հեռավորությամբ՝ 1.15,
  
• Հաղթելուց հետո ստեղծագործության ամբողջական տարբերակը պետք է կազմի առնվազն 80 էջ:

Հայտը անհրաժեշտ է ուղարկել info@newmag.am էլեկտրոնային հասցեին՝ նամակում նշելով կոնտակտային տվյալներ, իսկ «թեմա» (subject) տողում՝ գրել՝ «Գրական մրցույթի համար»:

Հայտերի ընդունման վերջնաժամկետը՝ 2025 թվականի ապրիլի 30: 

Գնահատման չափանիշները՝

• Կառուցվածքային ամբողջականություն,
  
• Լեզվի և ոճի հղկվածություն,
  
• Տեքստի ստեղծագործական և գաղափարական օրիգինալություն:
  

Մրցույթի մասնագիտական ժյուրիի կազմում են՝

• Գնել Նալբանդյան / Newmag-ի գլխավոր խմբագիր
  
• Էդգար Մովսիսյան / «Թովմասյան» հիմնադրամի տնօրեն
  
• Վիոլետ Գրիգորյան / գրող, հրապարակախոս
  
• Նարինե Կռոյան /  գրող, հրապարակախոս
  
• Արմեն Ամիրխանյան / խմբագիր
  
• Սյունե Սևադա / գրող
  
• Հերմինե Ավագյան / գրող

Հաղթողի անունը կհայտարարվի Newmag-ի ամառային փառատոնին՝ 2025 թվականի հունիսին:

Որպես պարգև՝ Newmag-ը կհրատարակի հաղթող հեղինակի ստեղծագործությունը՝ հոգալով հրատարակչական ծախսերը:

Միացե՛ք մեզ և դարձե՛ք հայ գրականության նոր սերնդի ձայնը: