BOOK DONNATION / 500 ԳԻՐՔ` ՔԱՋԱՐԱՆԻ ՄՇԱԿՈՒՅԹԻ ՊԱԼԱՏԻՆ (ԼՈՒՍԱՆԿԱՐՆԵՐ)

Փետրվարի 19-ին՝ Գիրք նվիրելու օրը, Քաջարանի մշակույթի պալատում կայացավ գրքի փառատոն։ 

Հենց Գիրք նվիրելու օրվա կապակցությամբ էլ ԶՊՄԿ-ի աջակցությամբ Քաջարանի մշակույթի պալատի գրադարանը համալրվեց Newmag հրատարակչության 500 նոր գրքով։ Փառատոնին մասնակցողներին հնարավորություն ընձեռնվեց ակտիվ քննարկումներ ունենալ հյուրերի հետ, այդ թվում՝ Newmag հրատարակչության ղեկավար Արտակ Ալեքսանյանի և գլխավոր խմբագիր Գնել Նալբանդյանի։ 

Ամռանը Freedom Broker Armenia ընկերության շնորհիվ Լոռու մարզի երկու գրադարաններ ստացան 1000 գիրք։ Այնուհետև, «Դիլիջանի գրադարանների կենտրոնացված համակարգ» ՀՈԱԿ-ը Արտակ Շավարշի Թամամյանի օժանդակության շնորհիվ համալրվեց 250 գրքով։ Եվ ահա,  Զանգեզուրի պղնձամոլիբդենային կոմբինատի ֆինանսավորմամբ էլ Newmag-ի 500 գիրքը հասավ Քաջարան։ 

Նախագիծը կրում է շարունակական բնույթ և նախատեսում է ապագայում ևս համալրել Հայաստանի տարբեր մարզերի գրադարանները ժամանակակից գրականությամբ։

Կարդացեք նաև

• Գրական մեծ անակնկալ. Freedom Broker Armenia-ն 1000 գիրք կնվիրի Լոռիի գրադարաններին
• Book donation. 500 գիրք՝ Ալավերդիի Հովհաննես Թումանյանի անվան քաղաքային գրադարանին (լուսանկարներ)
• Book donation / Vanadzor. 500 գիրք Վանաձորի գրադարաններին (լուսանկարներ)
• BOOK DONNATION / 250 գիրք՝ Դիլիջանի գրադարանների կենտրոնացված համակարգին (լուսանկարներ)