Pokemon Go. սենսացիայից մինչև հիասթափություն՝ ընդամենը մեկ տարում. տեսա՞ք՝ ինչ եղավ

2016 թվականի ամռանը, երբ Pokemon GO խաղալով տուն էի գնում, իմ առջև հայտնվեց մի երեխա՝ իր iPhone-ը գլխավերևում պահած:  Նա փայլող աչքերով նայեց ինձ: Հետո մենք զրույցի բռնվեցինք, խոսեցինք Pokemon-ների մասին: Ու ես հասկացա՝ Pokemon GO-ն դարձել է ավելին, քան սովորական խաղը: Pokemon-ի ֆենոմենը անբացատրելի էր:
Pokemon GO խաղը թողարկվեց 2016-ի հուլիսի 6-ին՝ Niantic Labs-ի, Nintendo-ի և The Pokemon Company-ի կողմից: Մի քանի շաբաթը բավարար էր, որ Pokemon-ի արկածները բոլորին խելքահան անեին: Այն դարձել էր փոփ-մշակույթի մի մասը: Բջջային հավելվածով խաղը ներբեռնում էին բոլորը: Ասում են՝ այն գրավել էր աշխարհի գրեթե կեսը: Շատերը վազում էին կենտրոնական այգիներ՝ հրեշներ որսալու:
Pokemon GO-ի The Silph Road ռեսուրսային կենտրոնի ղեկավարի դիտարկմամբ,  խաղի մասսայականությունը և հաջողությունը կապված էր գովազդից ու բրենդինգից: Pokemon GO-ն դարձավ գիշերային հիթ: Հետո դա վիրուսի նման տարածվեց. երբ քո շրջապատում բոլորը խաղում են, և դա տեսնում ես, ապա քո մեջ էլ է ցանություն առաջանում խաղալ, այն վիրուսի պես քեզ էլ է վարակում: Սա կոչվում է «Վիրուսային մարքեթինգ»:
Որպես կանոն, յուրաքանչյուր վիրուսային երևույթի բնորոշ է արագ տարածումն ու արագ վերացումը: Հետաքրքրությունը խաղի նկատմամբ գնալով պակասեց: Եթե հուլիսի վերջին խաղացողների քանակը հասել էր 25 միլիոնի, ապա սեպտեմբերին գրանցվեց անկում: Վիճակագրությունը ցույց էր տալիս, որ 5 խաղացողներից 4-ը դուրս էին գալիս խաղից: 2016-ի վերջին մնացին 7.5 միլիոնը:
Ինչո՞ւ երբեմնի սիրելի բջջային խաղն իր թողարկման պահից մեկ տարի անց գրանցեց խայտառակ պարտություն և արժանացավ նուն ճակատագրին, ինչ The Mannequin Challenge կամ ALS Ice Bucket Challenge-ը:

Ոչ մի խթան՝ խաղը շարունակելու համար

Ճիշտ է, Pokemon GO-ն դեռ խաղում են միլիոնավոր մարդիկ, բայց ընդհանուր հետաքրքրությունը խաղի նկատմամբ նվազել է: Կորել է խաղի մոտիվացիան:
Միակ պարգևը մետաղադրամն է, որի օգնությամբ խաղացողը ձեռք է բերում փորձված pokemon-ներ: Խաղը չունի որևէ կոնկրետ նպատակ, դա էլ նպաստում է հետաքրքրության նվազմանը:

Գյուղական շրջաններում չկա pokemon-ի երկիր

Pokemon GO-ն հեշտ է խաղալ խոշոր քաղաքներում՝ Նյու Յորքում, Լոս Անջելեսում, Տոկիոյում, Լոնդոնում, սակայն փոքր շրջաններում կամ երկրներում անհնար է գտնել Pokemon-ներ: Շատերը հենց դրա համար էլ դուրս մնացին խաղից:

Մեծ համբերություն՝ pokemon-ն վարպետ դառնալու համար

Pokemon GO-ն նախատեսված է 18-ից 29 տարեկան երիտասարդների համար, սակայն խաղում էին երեխանները: Խաղը ունի երկու ասպեկտ՝ բռնել ու կռվել: Երկու ասպեկտներն էլ նախնական փուլում լիարժեք զարգացած չէին: Դժվար էր նաև գտնել Pokemon-ի ճիշտ վայրը: Դու կարող էիր ծախսել 10 րոպե և ավելի, 3 կմ տարածքում Pokemon հայտաբերելու համար, իսկ երբ գտնում էիր, պարզվում էր, որ հօդս է ցնդել: Արդյունքում պետք էր ունենալ մեծ համբերություն՝ Pokemon վարպետ դառնալու համար: Ինչը, բնականաբար, շատերի համար դժվար էր ու անիմաստ:
Ահա, թե ինչու միլիոնավոր խաղացողներ այդքան արագ ներբեռնեցին ու այդքան էլ արագ ջնջեցին խաղը:

COMPLEX