Ոչ մի կերպար ու ոչ մի դրվագ հորինված չէ. Նարինե Աբգարյանը «Դրսեկի» մասին (տեսանյութ)

Իր ամենաինքնակենսագրական «Դրսեկը» գրքում ու նույնիսկ մինչև հիմա Նարինե Աբգարյանը որդեգրել է մի սկզբունք՝ 1990-ականները հիշել միայն ծիծաղով. «Գիրքը շատ կենսագրական է, ամենակենսագրական գիրքն է, որովհետև նման դեպքեր, հերոսներ չէի կարող հորինել: Այդ ամենի միջով անցել եմ և մեծ շնորհակալության զգացում ունեմ այդ տարիների հանդեպ, որովհետև դրանք ինձ թրծեցին, ու եթե ժամանակին Ինտուրիստում չաշխատեի , գրող չէի դառնա: Այդ փորձն ինձ, իրոք, պետք էր»:

Newmag-ի հետ զրույցում գրողն անկեղծացել է՝ իր գիրքը հատկապես շատ են կարդում փախստականները: Ընթերցում են, որից հետո միանգամից կապ հաստատում Աբգարյանի հետ. «Ամեն մեկն ապրում է մի երկրում, ունի մի փորձ, բայց գուցե այդ գրքում կա բոլորիս իրար կապող բաներ: Շատ նամականեր եմ ստանում, որ շնորհակալություն են հայտնում, քանի որ հիշում են իրենց անցյալը, կարծես ճանաչում են իրենք իրենց: Ուրախ եմ, որ կա այդ գիրքը, ու որ ժամանակին գրի եմ առել այդ բոլոր հուշերը»:

Այս գիրքը մեծ ճանաչում բերեց Նարինե Աբգարյանին: Բայց հայերեն թարգմանվեց միայն տարիներ անց: Հայերեն տարբերակի շապիկին էլ, վերնագիրն էլ Newmag-ի ստեղծագործական թիմինն է:

Կարդացեք նաև

• [Նոր գիրք] Newmag Winter Fest-ին տեղի կունենա Նարինե Աբգարյանի «Դրսեկը» գրքի շնորհանդեսը (թրեյլեր)
• Երկու նոր վեպ մեկ հեղինակից՝ Newmag-ը ներկայացրեց Նարինե Աբգարյան «Դրսեկը» ու «Մանյունյան գրում է ֆանտասԾիկ վեպ» գրքերը (տեսանյութ, լուսանկարներ)
• Երևանի շոկոլադի գործարանի հիմնադիրը՝ Newmag-ի հետ գործակցության մասին (տեսանյութ, լուսանկարներ)