[ The Presidnet ] Ջեյմս Փոլք. Ցամաքային Ամերիկան նվաճող նախագահը
May 17, 2016
Ջեյմս Փոլքը եղել է հենց այն նախագահը, ում ղեկավարման ժամանակահատվածում ԱՄՆ-ը դուրս է եկել Խաղաղ օվկիանոս: Փոլքը հաղթել է ամերիկա-մեքսիկական պատերազմում, հենց նա է ամերիկյան դարձրել Կալիֆոռնիան, գրավել հսկայական տարածքներ, որոնց վրա հետագայում կազմավորվել է ևս 8 նահանգ, ինչի շնորհիվ Ատլանտյան օվկիանոսի ափին ստեղծված երկիրը 70 տարի անց դարձավ նաև խաղաղօվկիանոսյան գերտերություն:
Փոլքի նվաճումները դարձել են այն հիմքը, որի վրա ձևավորվել են ԱՄՆ այսօրվա ցամաքային սահմանները Մեքսիկայի և Կանադայի հետ:
Ջեյմս Մոնրո. Ամերիկյան էքսպանսիայի դոկտրինը
Նախագահ դառնալու օրը Փոլքը հանդիսավոր երդում է տվել՝ չառաջադրվել երկրորդ անգամ: Խոստումը պահել է: Փոլքը ամենաաշխատասեր նախագահներից էր: Անհավանական աշխատասիրության հետևանքով էլ նրա առողջությունը 4 տարվա ընթացքում քայքայվել էր: Պաշտոնը լքելուց հետո նա ապրեց 103 օր:
Ամերիկացի պատմաբանները Ջեյմս Փոլքին համարում են 10 ամենաազդեցիկ նախագահներից մեկը: