7 կետ՝ զինված ուժերի բարեփոխումների մասին. նախարար Դավիթ Տոնոյանի տեսլականը
September 8, 2018
ԶՈՒ համալրումն անհրաժեշտ քանակի ժամանակակից սպառազինությամբ:
Դ. Տոնոյան. « Այստեղ մեր վերջնանպատակն է բանակի մարտունակության մակարդակի համապատասխանեցումը ռազմական սպառնալիքների մակարդակին և հավանական պատերազմի բնույթին՝ Հայաստանի Հանրապետության նկատմամբ զինված ոտնձգությունը զսպելու և կանխելու, իսկ պատերազմի ժամանակ՝ ռազմական գործողությունները հնարավորինս վաղ փուլում և ՀՀ համար շահավետ պայմաններով դադարեցնելու համար անհրաժեշտ կարողությունների ձևավորմամբ: Մեր թիվ մեկ խնդիրն է Լեռնային Ղարաբաղի հակամարտության խաղաղ կարգավորման համար բարենպաստ ռազմական պայմանների ստեղծումը»:
…Նախատեսվում է շարունակել բանակի զինանոցի համալրումը գերճշգրիտ հեռահար հրթիռային հարվածի, հրետանային խոցման և հակաօդային պաշտպանության ժամանակակից զինատեսակներով, ինչպես նաև առաջնահերթ բազմաֆունկցիոնալ ավիացիայով:
Ոչ պակաս կարևոր է ռազմական գործողությունների վարման ձևերի ու եղանակների, այսինքն՝ ռազմարվեստի արդիականացումը և ապակենտրոնացված ու տարատեղված գործողություններ վարելու կարողությունների ձևավորումը…:
Եվ իհարկե, առաջնահերթ նշանակություն ունի ռազմարդյունաբերական համալիրում ներդրումների խթանման և համատեղ ձեռնարկությունների ստեղծման քաղաքականության վարումը՝ հարկային և վարչարարական ընթացակարգերի բարելավման, օտարերկրյա ներդրումների ներգրավման և հանրային, մասնավոր ու միջազգային կոոպերացիայի սկզբունքով համատեղ ձեռնարկությունների ստեղծման միջոցով:
Շփման բնագծերի շարունակաբար համալրում արդիական տեխնիկական միջոցներով և մարտական խնդիրների կատարման արդյունավետության բարձրացում:
Դ. Տոնոյան. «…գերակա խնդիր է մարտական հերթապահության կրման պայմանների կատարելագործումը և անձնակազմի անվտանգության աստիճանի բարձրացումը: Պետք է աստիճանաբար քայլեր ձեռնարկենք առաջնագծում մեր կողմից կիրառվող ստատիկ պաշտպանությունը տեսադիտարկման և այլ հետախուզական սարքավորումներով և հեռակառավարվող խոցման միջոցներով հագեցած տարաշարժուն-ճկուն պաշտպանությամբ փոխարինելու ուղղությամբ…»:
Կարդացեք նաև.
- Ադրբեջանական կողմի տեղաշարժն ավելի խոցելի է դարձրել Նախիջևանը
- Հայաստանին՝ Су-30СМ, Ադրբեջանին՝ Су-35. սպառազինության մրցավա՞զք
- Հայկական բանակը արդիականացվում է. կնմանվի՞ Իսրայելի բանակին
Անձնակազմիn հետ տարվող աշխատանքների որակի և արդյունավետության էական բաձրացում
Դ. Տոնոյան. «Այստեղ մեր վերջնանպատակն է ԶՈՒ անձնակազմի բարոյահոգեբանական պատրաստվածության մակարդակի ու կարգապահության ամրապնդումը, բանակում մարդու իրավունքների պաշտպանության ապահովումը, ոչ կանոնագրային հարաբերությունները նվազագույնի հասցնելը, զինծառայողների արժանապատվության խոցման դեպքերի, ինքնավնասման և ինքնասպանության փորձերի առավելագույնս կասեցումը»:
- Զինծառայողների կրթության շարունակականության ապահովում զինվորական ծառայության ամբողջ ընթացքում:
- Զինծառայողների պատշաճ և ամբողջական նյութական բավարարում:
Դ. Տոնոյան. «Մեր խնդիրն է զինծառայողներին հատկացվող իրային միջոցների՝ համազգեստի, ներքնազգեստի, հիգիենայի ապահովման պարագաների որակական և քանակական ցուցանիշների, ինչպես նաև սննդակարգի բարելավումը»:
- Զինծառայողների սոցիալական պաշտպանվածության մակարդակի բարձրացում, բնակարանային, բժշկական ապահովման և այլ ծրագրերի իրականացում:
- Միջազգային ինտեգրման և հավաքական անվտանգության գործող ընթացակարգերի հնարավորությունների ընդլայնում: