[Զինուժ] Հայկական բանակը արդիականացվում է. կնմանվի՞ Իսրայելի բանակին

[Զինուժ] Հայկական բանակը արդիականացվում է. կնմանվի՞ Իսրայելի բանակին

newmag-ը պատմում է հայկական և իսրայելական բանակների նմանությունների և տարբերությունների մասին

Հայկական բանակի արդիականացման մասին վերջին տարիներին ու հատկապես վերջին ամիսներին խոսում են ավելի հաճախ, նոր ծրագրեր մշակում, ներկայացնում, երկարաժամկետ պլաններ կազմում: Հայաստանը ցանկանում է ոչ թե ռազմականացնել իր բնակիչներին, այլ փոխել պատկերացումը զինուժի մասին: Սա երկու նպատակ ունի:

1.Քառօրյա պատերազմը ցույց տվեց, որ հակառակորդը չի ընդունում արժեքներ և չի առաջնորդվում նույնիսկ հրադադարի պահպանման սեփական ելույթներով: Հայաստանը պատրաստվում է նոր մակարդակի հասցնել զինուժը՝ առաջին գծում և թիկունքում, ընդ որում բոլոր օղակներում և բոլոր ուղղություններով:

2. Բանակը ժողովրդի համար երբեմն բեռ է դառնում: Ծնողներն ուղարկում են որդիներին բանակ ու երկու տարիների ընթացքում մեծ գումարներ ծախսում՝ նրան տեսակցելու, զինվորին անհրաժեշտ իրերն ուղարկելու համար:  Նոր հայեցակարգը, որը կոչվում է «ԱԶԳ-ԲԱՆԱԿ», պատրաստվում է կարգավորել այդ հարցը՝ ստեղծելով այլընտրանքային ծառայության տեսակներ, ավելին, հավակնում է բանակը դարձնել տնտեսության շարժիչ ուժն ու ծառայել որպես սոցիալական վերելակ զինծառայողների համար:

Շատերը Հայաստանին և մեր բանակը նմանեցնում են Իսրայելին: Հենց այդ պատճառով էլ, որոշեցինք ներկայացնել հետաքրքիր փաստեր իսրայելական բանակի ու այնտեղ գործող օրենքների մասին:

  • Իսրայելական բանակում տղաները ծառայում են 3, աղջիկները 2 տարի
  • Թե ինչպիսի զորամասում է ծառայելու զինակոչիկը, պետությունը որոշում է երեք տարի շուտ՝ դեռահասի 15 տարեկանում:
  • Աղջիկներն այնտեղ կարող են չծառայել, եթե նրանց հայրը դեմ է զորակոչվելուն:
  • Օրթոդոքս հրեաները, արաբները, մուսուլմանները գրեթե չեն ծառայում բանակում:
  • Թեժ կետերում ու մարտական ամենավտանգավոր դիրքերում Իսրայելի երիտասարդները կարող են ծառայել միայն համաձայնությամբ ու ցանկությամբ: Այս դեպքում պետք է կողմ լինեն նաև ծնողները և հոգեբանը:
  • Իսրայելական բանակն ունի էլիտար ստորաբաժանում, որն իր պատրաստվածությամբ երկրորդն է աշխարհում, ԱՄՆ-ից հետո:

Կարդացեք նաև.


  • Իսրայելի բանակի զինծառայողները նույնիսկ արձակուրդի օրերին պետք է իրենց կցված զենքով լինեն՝ տանը, ժամանցի վայրերում, նույնիսկ դիսկոտեկում:
  • Իսրայելական բանակի զինվորներին ամռանը  տալիս են աղի սնունդ, որպեսզի նրանք ծարավեն և պարբերաբար ջուր խմեն:
  • Ծառայության ավարտին զինվորները ստանում են պարգևավճար, որը բավարար է Եվրոպայում ճամփորդելու համար:
  • Եվ Իսրայելը միակ երկիրն է, որտեղ պահեստազորի քաղաքացիները կարող են դատի տալ պետությանն ու պարտադրել, որ իրենց զորակոչեն:  

Սրանք իսրայելական բանակի հետաքրքիր օրենքներն են, ավելի ստույգ մի մասը, որը նկարագրում է, թե որքան են մարդիկ ապրում զինուժի կյանքով ու փորձում յուրովի ուժեղ դարձնել սեփական երկրի անվտանգությունը: 


Հետևեք newmag-ին Telegram-ում և Instagram-ում։


 

Գրել կարծիք