Ի՞նչ հագնել ձմռանը. Պարկա. տաք must have
October 24, 2015
Մի քանի սեզոն առաջ, երբ կրկին հայտնվեցին պարկաները, քչերը կարող էին ենթադրել, որ դրանք կդառնան ձմեռային գլխավոր վերնազգեստ: Տասնամյակներ շարունակ գրեթե մոռացության մատնված հագուստի այս տեսակն այս սեզոն ամենուր է:
Պարկա՝ ձմեռային տաք բաճկոն կապյուշոնով, որի եզրը «զարդարված» է մորթիով: Չնայած «զարդարված» բառը կարծես այնքան էլ տեղին չէ. չէ՞ որ պարկայի նախահայրը հյուսիսային ժողովուրդների ավանդական հագուստն է, իսկ նրանց մոտ, ինչպես հասկանում եք, մորթին ուներ պրակտիկ և ոչ դեկորատիվ նշանակություն: Ի դեպ, հագուստի անվանումը նույնպես հյուսիսային ժողովուրդների լեզուներից է:
Էդդի Անեմյան. Նորաձևության հայազգի հույսը
Պարկաները հաճախ ունենում են երկարացված հետնամաս, որը նույնպես նպաստում է հագուստն ավելի հարմարավետ և տաք դարձնելուն և բացի դրանից՝ կրողի կառուցվածքը ավելի սլացիկ է ցուցադրում:
Հարմարավետ հագուստը նորաձև ու ոճային չի՞ լինում: Պարկան ապացուցում է հակառակը: Առաջին հայացքից շատ առօրեական այս հագուստը իր միլիտարի ծագման և կոնտրաստային համադրությունների շնորհիվ դառնում է շատ ոճային: Հե՞շտ է արդյոք համադրել պարկան: Չափազա՛նց հեշտ է: Կրել ջինսային և սաֆարի լուքերի հետերի հետ: Հաստատ այո՛. չէ՞ որ այդպես են վարվում street style աստղերը արդեն մի քանի սեզոն: