Նեյմար vs Կավանի. Ովքե՞ր են փարիզյան գլուխկոտրուկի մեղավորները
September 27, 2017
Դրությունը՝ խաղադաշտում
Խաղի 79-րդ րոպեին Նեյմարը ցանկանում էր իրացնել 11 մետրանոցը, սակայն Կավանին խլեց գնդակն ու բրազիլացուն թույլ չտվեց իրացնել հարվածը: Կավանին վրիպեց 11 մետրանոցից ու դա դարձավ քննարկումների մեծ թեմա, որը շարունակվեց մինչև հանդերձարան ու հասավ ղեկավարներին:
Դրությունը՝ հանդերձարանում
Նեյմարի եւ Կավանիի վիճաբանությունը շարունակվել է հանդերձարանում: Ֆուտբոլիստների միջեւ ծեծկռտուք կլիներ, եթե չմիջամտեին թիմակիցներ Տիագո Սիլվան եւ Մարկինյոսը:
Սպորտի մասին գրել ենք նաև․
- Ովքե՞ր են ամենաթանկ ֆուտբոլային գործակալները եւ որքա՞ն են վաստակում
- Ինչո՞վ առանձնացավ US Open-2017-ը. 5 հետաքրքիր փաստ ավարտված մրցաշարի մասին
- Լրագրողներին դարձյալ «ճզմեցին». ինչպե՞ս պետք է կազմակերպել չեմպիոնների դիմավորումը
Ի՞նչ է ասում մարզիչը
Ունաի Էմերին պարզաբանել է դրվագն ու նշել, որ վիճաբանության պատճառ է հանդիսացել այն հանգամանքը, որ այդ խաղում էմոցիաները հասել էին գագաթնակետին: Բայց մարզիչը վստահ է, որ ռմբարկուների կոնֆլիկտը չի ազդի թիմային արդյունքի վրա:
Ի՞նչ է ասում ղեկավարությունը
Ինչպես մնացած անհասականալի դեպքերում, ղեկավարները ձեռքը տանում են գրպանը: ՊՍԺ-ն Կավանիին 1 մլն եվրո է առաջարկել՝ 11 մետրանոց հարվածն իրացնելու իրավունքը Նեյմարին զիջելու համար: Ուրուգվայցի ռմբարկուն մերժել է:
Նեյմարը ՊՍԺ-ի ղեկավարներին խնդրել է վաճառել Կավանիին
Իրականում, ինչպե՞ս են լուծում այս խնդիրը
Բնականաբար, այստեղ գործում է ռմբարկուական զգայարանները: Երկու ֆուտբոլիստներն էլ ցանկանում են շատ գոլեր խփել ու դառնալ ակումբի լավագույն ռմբարկուն: Մինչեւ Նեյմարի՝ ՊՍԺ տեղափոխվելը, 11 մետրանոցներն իրացնելու տերը Կավանին էր: Սակայն 222-միլիոնանոց տղան գալով Փարիզ՝ ցանկանում է առաջինը լինել բոլոր առումներով: Այստեղ շատ կարեւոր է մարզչական շտաբի միջամտությունը, որը բացակայում է: Մարզիչները պետք է նախապես հաշվի առնեին, որ վաղ թե ուշ այսպիսի բախում լինելու էր: Եվ հարցերը ոչ թե խաղադաշտում՝ բոլոր աչքի առաջ պետք է լուծվեին, այլ խոհանոցում: Նեյմար vs Կավանի մինի-ճակատամարտը դաս կլինի՞ ՊՍԺ-ի մարզիչների եւ ղեկավարների համար, արդյոք որոշումն արդեն կայացվե՞լ է՝ ով է 11 մետրանոցը տերը՝ պարզ կդառնա, երբ ՊՍԺ-ի մասնակցությամբ խաղում մրցավարը ձեռքն ուղղի 11 մետրանոցի նշակետի վրա: