Ովքե՞ր են ամենաթանկ ֆուտբոլային գործակալները եւ որքա՞ն են վաստակում

Ովքե՞ր են ամենաթանկ ֆուտբոլային գործակալները եւ որքա՞ն են վաստակում

Ո՞վքեր են նրանք, որ միշտ կադրից դուրս են, բայց շատ դեպքերում` ավելի մեծ եկամուտ ունեն տրանսֆերներից, քան գործարքում ներգրավված մյուս մարդիկ: newmag-ը կազմել է ֆուտբոլային գործակալների թոփ հնգյակը:

Այս մարդիկ 24/7 աշխատում են ֆուտբոլային խոհանոցում, անընդհատ թռչում են երկրից երկիր, հեռախոսով ու ռեալ շփումների մեջ են: Բանակցություններ, գործարքներ, հաշվարկներ, թվեր և վերջապես գին: Նրանք ՖԻՖԱ-ի կողմից լիազորված այն անձիք են, որոնք իրավասու են զբաղվել տրանսֆերային գործարքներով, պայմանագրերով ու տեղափոխություններին վերաբերող ցանկացած դետալներով:

  1. Մինո Ռայոլա – տրանսֆերներից ունեցած ամենամեծ եկամուտը` 20 մլն եվրո
Մինո Ռայոլա

Մինո Ռայոլան ֆուտբոլային աշխարհում հայտնի է որպես bad boy-ի («վատ տղաների») գործակալ: Նա այնպիսի խարիզմատիկ ու սառնասիրտ ֆուտբոլիստների գործակալն է, ինչպիսիք են, օրինակ` Մարիո Բալոտելին եւ Զլատան Իբրահիմովիչը: Այս ամառ նա կատարեց իր կարիերայի սուպերգործարքը` Պոլ Պոգբային վերադարձրեց «Մանչեսթեր Յունայթեդ»: Այդ գործարքից նա ստացավ 20 մլն եվրո: Ռայոլայի հետ է աշխատում նաև Հենրիխ Մխիթարյանը: Հայ ֆուտբոլիստի` «Մանչեսթեր Յունայթեդ» տեղափոխությունից նա ստացավ 8 մլն եվրո:

Ովքե՞ր են նրա հաճախորդները: Պոլ Պոգբա, Հենրիխ Մխիթարյան, Զլատան Իբրահիմովիչ, Բլեյս Մատիուդի, Մաքսվել, Ռոմելու Լուկակու, Մարիո Բալոտելի

  1. Խոսե Օտին – 21 մլն եվրո
Խոսե Օտին

Հիմնականում նա աշխատում է իսպանացի ֆուտբոլիստների հետ: Վերջին տասնամյակում Օտինը շեշտը դրել է իսպանացի ֆուտբոլիստներին Անգլիայի Պրեմիեր լիգա տանելու վրա: Նրա վերջին խոշոր գործարքը Պեդրո Ռոդրիգեսի` Լոնդոնի «Չելսի» տեղափոխվելն էր:

Ովքե՞ր են նրա հաճախորդները: Վիտոլո, Ֆերնանդո Տորես, Խավի Մարտինես, Խեսուս Նավաս, Պեդրո, Ռաւոլ Գարիս, Նաչո Մոնրեալ

  1. Վոլկեր Սթրութ – 31 մլն եվրո
Վոլկեր Սթրութ

Եթե որևէ ակումբ ցանկանում է ֆուտբոլիստ գնել գերմանական ակումբներից, այս մարդը գրեթե միշտ գլխավոր գործող անձանցից մեկն է:

Ովքե՞ր են նրա հաճախորդները: Մարկո Ռոյս, Մարիո Գյոտցե, Թոնի Կրոս, Բենեդիկտ Հյովեդես, Օմեր Տոպրակ, Գոնսալո Կաստրո, Յոսիպ Դրմիչ

 

  1. Ջոնաթան Բարնեթ – 33 մլն եվրո
Ջոնաթան Բարնեթ

2013-ին այս մարդու միջոցով իրականացավ ֆուտբոլի պատմության ամենաթանկարժեք տրանսֆերը. Գարեթ Բեյլը տեղափոխվեց Մադրիդի «Ռեալ»: Բրիտանացին աշխատում է ոչ միայն Անգլիայի Պրեմիեր լիգայում հանդես եկող ֆուտբոլիստների հետ, այլեւ ամբողջ Բրիտանիայի տրանսֆերային խոհանոցի խոհարարն է:

Ովքե՞ր են նրա հաճախորդները: Գարեթ Բեյլ, Ջո Հարթ, Վոյցեխ Շեսնի, Լյուկ Շոու, Ռաֆայել, Գլեն Ջոնսոն, Ադամ Լալանա, Էշլի Քոուլ, Պատրիկ Ռոբերտս

  1. Խորխե Մենդեշ – 71 մլն եվրո
Խորխե Մենդեշ

Դե իհարկե, էլ ո՞վ` եթե ոչ նա: Մենդեշը ֆուտբոլային աշխարհում ամենասիրված ու ամենահարուստ ֆուտբոլային գործակալն է: Նա միակ ֆուտբոլային գործակալն է, որը հայտնվել է Forbes ամսագրում:

Ովքե՞ր են նրա հաճախորդները: Կրիշտիանու Ռոնալդու, Խամես Ռոդրիգես, Էլյակիմ Մանգալա, Պեպե, Ռիկարդո Կառվալյու, Ֆաբիո Կոենտրաու, Դիեգո Կոստա, Տիագո Սիլվա, Ռադամել Ֆալկաո, Անխել դի Մարիա, Դավիդ դե Խեան, Ժոզե Մոուրինյու:

Գրել կարծիք