«Քանի սիրտս բաբախում է». Newmag-ը լույս է ընծայել Շառլ Ազնավուրի 4-րդ գիրքը (թրեյլեր)
Դեռ 2019 թվականից Newmag հրատարակչությունը որոշել էր՝ մինչև 2024 թվականը՝ Շառլ Ազնավուրի 100-ամյակը, թարգմանելու և հրատարակելու է նրա բոլոր գրքերը։ Աշխարհահռչակ շանսոնիեն ունի 9 ինքնակենսագրական գիրք։ Առաջինը newmag-ը հրատարակեց «Կյանքից կառչածը», 2019-ի աշնանը՝ «Մեղմ Շշուկով» գիրքը։ 2020-ի մայիսին՝ Ազնավուրի ծննդյան օրը լույս տեսավ «Վերջին Դուռը»։ 2020-ի աշնանն արդեն ներկայացնում ենք «Քանի սիրտս բաբախում է» գործը։
Ազնավուրն իր Qui երգը գրել է Բուենոս-Այրեսում, Hier Encore-ը՝ Մոսկվայում, Emmenez–moi-ն՝ Ճապոնիայից վերադառնալիս։ Այս և էլի շատ բացահայտումներ ձեզ սպասում են Շառլ Ազնավուրի «Քանի սիրտս բաբախում է» գրքում։ Իր մյուս ինքնակենսագրականներից սա առանձնանում է կենսագրական մինչև այժմ անհայտ էջերի ու դրվագների բացահայտումների առատությամբ։
Ազնավուրն իր Qui երգը գրել է Բուենոս-Այրեսում, Hier Encore-ը՝ Մոսկվայում, Emmenez–moi-ն՝ Ճապոնիայից վերադառնալիս։ Ազնավուրն իր Qui երգը գրել է Բուենոս-Այրեսում, Hier Encore-ը՝ Մոսկվայում, Emmenez–moi-ն՝ Ճապոնիայից վերադառնալիս։
Ըստ գրքի թարգմանիչ Սամվել Գասպարյանի, մենք ընթերցելու ենք Ազնավուրի կյանքի պատմության շարունակությունը, գուցե լինեն կրկնություններ, բայց՝ արդարացված. չէ՞ որ նույն մարդու կենսագրությունն է, պատմություններն էլ ծնվել են մյուս գրքերից արդեն հայտնի դրվագներից. «Սա իր կենսագրությունն է, պատմություններ իր կյանքից, ընտանիքի մասին, հայացքների, մասնագիտության։Այս գիրքը բացառիկ է, քանի որ կան պատմություններ, դեմքեր, ընկերներ, որոնց մասին երբևէ չի պատմել։ Նաև անդրադարձել է իր երգերին՝ որը երբ ու որտեղ է գրել»։
Ազնավուրն իրեն համարում է տարեց, բայց ոչ հնավանդ, գրում է անցյալի մասին, բայց այն քննում է առաջադիմական աշխարհայացքով։ Այս գրքում նա պատասխանում է իր անողոք քննադատների ու դեղին մամուլի մեղադրանքներին, պատմում, թե ինչպես ստացավ 2-րդ անձնագիրը և, ի վերջո, ինչու այդպես էլ թոշակի չի գնում։ Ըստ խմբագրի, Ազնավուրի կենսագրությունը չափազանց հարուստ ու հզոր է եղել. «Ապրել է հարուստ կյանքով՝ ճամփորդություններ, համերգներ, հանդիպումներ, դեմքեր, դեպքեր, այնպիսի անհատականությունների հետ է շփվել, այնպիսի իրադարձությունների մաս է կազմել, որ անհավատալի է թվում։ Իրականում նա կարող էր կենսագրական ոչ թե 8, այլ 8 տասնյակ գրել»։
Այս գիրքը բացառիկ է, քանի որ կան պատմություններ, դեմքեր, ընկերներ, որոնց մասին երբևէ չի պատմել։
Գրքի թարգմանիչը հիշում է՝ Ազնավուրը մի անգամ անկեղծացել է՝ նկատելով, որ իր մասին այդպես էլ ոչ մի գրաքննադատ երբևէ լուրջ գործ չգրեց։ Իհարկե, նա գիտեր պատճառը՝ իր չափազանց համեստությունն ու մեդիադաշտից հեռու լինելու պատճառով չպատմեց, չներկայացրեց իր կյանքը, իրադարձությունների մասին, որոնք կհետաքրքրեին իրենց. «Երբ մի անգամ հանդիպեցինք, հարցրի՝ ինչո՞ւ Ձեր մասին չեն գրում, Շառլը պատասխանեց՝ ես արդեն գրել եմ իմ մասին։ Նկատի ուներ «Ազնավուրն Ազնավուր մասին» գիրքը։ Դա 1989 թվականն էր, դրանից հետո գրեց մեկ տասնյակ գրքերը»։
Գրքում Ազնավուրն իրեն հատուկ ոճով սրամտորեն, ինքնահեգնանքով և հումորով պատմում է իր փորձի, ժամանակակից կյանքի մասին իր պատկերացումների, կյանքի, մահվան, սիրո և փողի մասին։ Այս գիրքը Շառլը գրել է 89 տարեկանում ու այդ հասակում շատ պայծառ միտք ուներ՝ նկատում է Սամվել Գասպարյանը։ Սա թարգմանչի ու Newmag-ի համատեղ երրորդ գիրքն է։ Մյուս գործն արդեն ավարտում է՝ հեղինակը կրկին Շառլ Ազնավուրն է։