Ինչպե՞ս «Թքած ունենալու նուրբ արվեստը» բեսթսելլեր դարձավ Հայաստանում (տեսանյութ)
March 10, 2020
Միջազգային բեսթսելլերը ամենավաճառվածը դարձավ նաև Հայաստանում: newmag-ի առաջին հրատարակած գիրքը հենց սկզբից գրավեց գրքի շուկան: 2 տարի անց ընթերցողներն ու գրավաճառները հաստատում են՝ այս գրքին շատ էին սպասում:
Թեև գրքի վերնագիրն ու գույնը հիշվող են, սակայն եղել են դեպքեր, որ ընթերցողները գիրքը գտնելու համար փորձել են այն տարբեր կերպ բնութագրել: Նախ վերնագիրն էին սխալ ասում, հետո էլ Մարկ Մենսոնին շփոթում էին ուրիշ հեղինակների հետ:
Այս գիրքն իր գույնով ու վերնագրով գրախանութներ բերեց այնպիսի մարդկանց, որոնք մինչև այս գրքի հետ շփում չեն ունեցել: Բոլորին հետաքրքրում էր, ո՞րն է Մարկ Մենսոնի Երջանկության պարադոքսալ բանաձևը:
Կարդացեք նաև.
- Թքել ենք բոլորս. newmag-ը հրատարակել է Մարկ Մենսոնի նոր գիրքը
- Ինչպե՞ս է հաջողության հասել բեսթսելլեր գրող Մարկ Մենսոնը (տեսանյութ)
- Տեղի ունեցավ «Թքել ենք բոլորս» գրքի շնորհանդեսը (տեսանյութ)
Նայել դժվարությունների աչքերին, ձևեր չթափել և երջանիկ լինելու բանաձևը պատրաստ է: Մարկ Մենսոնի «Թքած ունենալու նուրբ արվեստը» դարձավ հայ ընթերցողների սիրելի ուղեցույցը: Այս գիրքը գնում էին ոչ միայն ընթերցելու, այլ նաև նվիրելու համար: Թքած ունենալու նուրբ արվեստը դարձավ մոդայիկ ու հայտնվեց ինստագրամի օգտատերերի էջերում:
Անձնական պատմություններով, թունդ հումորով և պարզ ոճով. Գիրքը սովորեցնում է ինչպես ապրել լիարժեք կյանքով, չկոտրվել դժվարություններից ու կարևորը տարբերեր անկարևորից: Մարկ Մենսոնի գիրքը նորից կլինի գրախանութներում՝ նոր դիզայնով:
Հետևեք newmag-ին Instagram-ում և Telegram-ում