Ո՞ւր գնալ նոյեմբերին․ 10 լավագույն ուղղությունները
October 9, 2017
5 ուղղություն ծովափնյա հանգստի համար
1.Դուբայ, ՄԱԷ
- Օդի ջերմաստիճան: 29–31 °C.
- Ջրի ջերմաստիճան: 27–28 °C.
- Վիզա: Տուրիստական վիզան տրվում է 30 օրով` օդակայանում
- Գիշերակաց: սկսած 16,340 դրամից.
Հոկտեմբերին Արաբական Միացյալ Էմիրություններում շատ հարմարավետ եղանակային պայմաններ են, այդուհանդերձ զբոսաշրջիկներն այդքան շատ չեն, որքան դեկտեմբեր-հունվար ամիսներին: Այնպես որ ամիսը շատ հարմար է հանգստի համար:
Դուբայում ակտիվ հանգստի զվարճանքների թվոմ սաֆարին է, ակվապարկը, օդապարիկով ցատկերը, կարելի է նույնիսկ սնոուբորդով ու դահուկներով սահել: Կարճ ասած` բազում զվարճանքներ, ինչպես և հարիր է առաջնակարգ հանգստավայրերին:
2. Ջամայկա
- Օդի ջերմաստիճան: 29–30 °C.
- Ջրի ջերմաստիճան: 29 °C.
- Վիզա: չկա.
- Գիշերակաց: սկսած 8,170 դրամից
Մյուս ամիսների համեմատ նոյեմբերին Ջամայկայում ավելի չոր եղանակ է, միևնույն ժամանակ ավանդաբար ձմռանը կղզին լցնող ամերիկացի զբոսաշրջիկները դեռ չեն եկել, այնպես որ հանգիստը նոյեմբերին ավելի մատչելի է: Ափին պառկելուց բացի կարելի է տեսարժան վայրեր այցելել, տեսնել ջրվեժն ու կոկորդիլոսներով ողողված Սև գետը, վայելել տեղական համեղ ուտեստներն ու երաժշտությունը (ի վերջո Բոբ Մարլիի հայրենիքն է):
3. Մալդիվյան կղզիներ
- Օդի ջերմաստիճան: 29–30 °C.
- Ջրի ջերմաստիճան: 28 °C.
- Վիզա: Տուրիստական վիզան տրվում է 30 օրով
- Գիշերակաց: սկսած 13,889 դրամից
Աշնան վերջն անցումային շրջան է Մալդիվների համար, պաշտոնապես անձրևների սեզոնը դեռ շարունակվում է, բայց իրականում անձրևներն այդքան էլ առատ չեն: Թարգմանաբար սա նշանակում է ԶԵՂՉ դրախտային հանգստի համար:
4. Պհուկետ, Թայլանդ
- Օդի ջերմաստիճան: 29–30 °C.
- Ջրի ջերմաստիճան: 28 °C.
- Վիզա: թայլանդական
- Գիշերակաց: սկսած 4,085 դրամից
Կարելի է մեկնել նոյեմբերի առաջին օրերից, երբ ավարտվում է անձրևների սեզոնը: Այս շրջանում հանգիստն անհամեմատ մատչելի է: Առավելություններից է տաք և մաքուր ծովը, գիշերային կյանքը, տեսարժան վայրերը:
5. Անդամանյան կղզիներ, Հնդկաստան
- Օդի ջերմաստիճան: 30–31 °C.
- Ջրի ջերմաստիճան: 29 °C.
- Վիզա: հնդկական, կարելի է ստանալ օնլայն
- Գիշերակաց: սկսած 4,085 դրամից
Սա տարբերակ է ավելի առանձնացած հանգստի սիրահարների համար: Նոյեմբերի կեսից այստեղ կարելի է վայելել կղզիների ամբողջ գեղեցկությունը մատչելի գներով ու առանց զբոսաշրջիկների հսկայական հոսքի:
Ճամփորդական թեմաներով գրել ենք նաև․
- Ինչպե՞ս միշտ ժամանակ գտնել ճամփորդելու համար․ մի դիզայների պատմություն
- Ճամփորդական հաճելի անհանգստություններ. նախապես պատվիրե՞լ, թե՞ տեղում կողմնորոշվել
- Հայաստանի բրենդային համայնքը՝ օրիգինալ և էքսկլյուզիվ. Ենոքավանը դառնում է զբոսաշրջության կենտրոն
5 հետաքրքիր ուղղություն
1. Լոնդոն, Մեծ Բրիտանիա
- Օդի ջերմաստիճան: 9–13 °C.
- Վիզա: Բրիտանական
- Գիշերակաց: սկսած 16,340 դրամից
Նոյեմբերը Լոնդոնում տոների ու հրավառությունների ամիս է: Գլխավոր իրադարձություններից է Lord Mayor’s Show-ն, որը բրիտանական ամենահին տոնակատարություններից է: Եվ իհարկե Սուրբ Ծնունդը, որին բրիտանացիները սկսում են պատրաստվել նոյեմբերից:
2. Նյու Յորք , ԱՄՆ
- Օդի ջերմաստիճան: 9–15 °C.
- Վիզա: ամերիկյան
- Գիշերակաց : սկսած 20,425 դրամից
Եվս մեկ երկիր, որը սուզվում է տոնական տրամադրության մեջ նոյեմբերից: Իհարկե խոսքը Գոհաբանության օրվա մասին է` նոյեմբերի 23-ին:
3. Օախակա դե Խուարես, Մեքսիկա
- Օդի ջերմաստիճան : 25–27 °C.
- Վիզա: ամերիկյան կամ մեքսիկական
- Գիշերակաց : Սկսած 8,170 դրամից
Նոյեմբերի 1-ին և 2-ին Մեքսիկայում վառ տոն է մահացածների օրը: Չնայած այն փաստին, որ առիթն այդքան էլ ուրախ չէ, մեքսիկացիները կարողանում են այն տոնել իրենց հատուկ կենսուրախությամբ:
4․ Պլովդիվ, Բուլղարիա
- Օդի ջերմաստիճան: 8 – 14 °C.
- Վիզա: բուլղարական կամ շենգենյան
- Գիշերակաց: Սկսած 8,170 դրամից
Պլովդիվը նոյեմբերին բացում է արվեստի աշնանային սալոնը: 1-4 կարող եք ջազային փառատոնի ականատեսը դառնալ: Ամսվա կեսին այստեղ գինու դեֆիլե է, կարող եք համտեսել բուլղարական հայտնի գինիները:
5. Սանկտ Պետերբուրգ, ՌԴ
- Օդի ջերմաստիճան: -1– 4 °C.
- Վիզա։ չկա
- Գիշերակաց : սկսած 5,719 դրամից
Նոյեմբերին Պետերբուրգը ամբողջությամբ արդարացնում է մշակութային մայրաքաղաք անվանումը: Նոյեմբերի 16-ից 18-ն անցկացվում է միջազգային մշակութային ֆորումը: Ամսվա վերջին Հյուսիսային մայրաքաղաքում արվեստների փառատոն է:
LIFEHACKER