Սոցցանցային էթիկայի 5 կանոն, որոնց պետք է հետևեն ընկերությունների աշխատակիցները
Սոցիալական ցանցերը վաղուց արդեն միայն շփման ու հաղորդակցման միջոց չեն: Դրանք նաև ինքնարտահայտման համար են, քանի որ կարծիքներով, գիտելիքներով հրապարակային արտահայտվելու հարթակ են դարձել: Բայց պետք է հիշել, որ դուք նաև ինչ-որ կազմակերպության աշխատակից եք, ներկայացնում եք որևէ գրասենյակ: Այնպես որ կան խաղի ու շփման պարզ կանոններ, որոնք կօգնեն խուսափել ձեր ու ձեր աշխատանքային կազմակերպության համար հնարավոր բացասական ազդեցությունից:
1. Մի տեղադրեք ոչինչ, որը չպետք է տեսնի ձեր հաճախորդը, գործընկերը կամ ղեկավարը
Այսօր անձնականի ու հանրայինի սահմանը շատ լղոզված է: Սոցիալական ցանցերը հիանալի միջոց են ֆորմալ ու ոչ ֆորմալ հաղորդակցման միջոցները պահելու համար, հաճախորդների հետ հետադարձ կապ հաստատելու, ինչպես նաև ընկերության լոյալությունն ապահովելու համար: Բայց այստեղ մի շատ նուրբ ու անտեսանելի սահման կա. եթե սոցցանցում ձեր աշխատանքի մասին հիշատակեք, օգտատերերի աչքում միանգամից կվերածվեք տվյալ ընկերության պաշտոնական ներկայացուցիչը: Եթե ձեզ սոցցանցերում հետևում են ձեր գործընկերները, հաճախորդները, աշխատանքային ընկերները, պատասխանատվության աստիճանը մեծանում է:
Եթե ձեզ սոցցանցերում հետևում են ձեր գործընկերները, հաճախորդները, աշխատանքային ընկերները, պատասխանատվության աստիճանը մեծանում է:
Այնպես որ, համոզվեք, որ ձեր փոստերում ու մեկնաբանություններում համապատասխանում եք ձեր պաշտոնին ու դիրքին: Մի քննարկեք ձեր հաճախորդներին: Շատ պատվիրատուներ կարևոր որոշումներն ընդունում են ձեր ֆեյսբուքյան էջը նայելուց հետո: Եթե ինչ-որ մի հաճախորդից նեղացել եք, այդ մասին ավելի լավ է սոցցանցում գրառում չանել, պատմեք ձեր ղեկավարին կամ կոլեգային:
2. Հույս մի դրեք գաղտնիության վրա. ամեն մի փակ ինֆորմացիա կարող է հանրային դառնալ
Instagram-ի ու Facebook-ի շատ օգտատերեր վստահ են, որ իրենց էջը փակ են, ուրեմն կարող են սրտի ուզածը գրել ու հրապարակել: Բայց էջ կոտրելը դժվար բան չէ: Բացի այդ, պարբերաբար լինում են տեխնիկական խնդիրներ ու արտահոսք: Նույնիսկ փակ էջերի ֆոտոները կարող են հայտնվել ցանցում: Սոցցանցից ջնջել ինչ-որ անցանկալի գրառումներ ու ֆոտոներ դեռ հնարավոր է, մինչդեռ համացանցից դա գրեթե անհնար է:
3. Քննարկումների ժամանակ ծայրահեղ զգույշ եղեք
Հաճախ սուր թեմաների քննարկումները վերածվում են բուռն վեճի: Բանը նույնիսկ հասնում է վիրավորանքներին: Հաջողակ մարդիկ, հատկապես նրանք, ովքեր աշխատում են խոշոր հոլդինգներում, պետք է հնարավորինս չմասնակցեն պրովոկացիոն քննարկումներին: Դա կարող է վնասել ձեր ու ձեր գործընկերների հեղինակությանը:
Դա կարող է վնասել ձեր ու ձեր գործընկերների հեղինակությանը:
Ձեր անձնական կարծիքը հաճախ կարող է չհամընկնել ձեր ընկերության պաշտոնական կարծիքի հետ: Ամեն մի արտահայտություն կարող է վիրավորել, նվաստացնել ինչ-որ մեկին:
Կարդացեք նաև.
- Ինչպե՞ս համացանցում ճիշտ պատասխանել մեկնաբանություններին
- Ի՞նչ հետաքննություն է սկսել Ցուկերբերգը. Facebook-ի նախկին աշխատակցի սկանդալային հայտարարությունը
- Տրամաբանական հարցեր Apple-ում աշխատանքի ընդունվելու համար
4. Աշխատանքին վերաբերող տեղեկատվությանը զգուշությամբ վերաբերվեք
Աշխատանքային հարցեր քննարկելուց առաջ, մտածեք, գուցե, կոմերցիոն ինֆորմացիա եք հաղորդում կամ օգտագործում եք ձեր գործընկերների, հաճախորդների անձնական տվյալները: Այդպիսի սխալից հետո կարող եք ձեր աշխատանքը կորցնել:
Այդպիսի սխալից հետո կարող եք ձեր աշխատանքը կորցնել:
Իսկ ընկերությունը ստիպված կլինի ահռելի գումարներ վճարել` կոմերցիոն գաղտնիք կամ անձնական տվյալներ հրապարակելու համար:
5. Ներողություն խնդրեք
Սխալներն ընդունելու ունակությունը գնահատվում է ոչ միայն իրական, այլ նաև վիրտուալ կյանքում: Եթե որևէ սխալ եք արել կամ սխալ եք ձևակերպել ձեր միտքը, այդ մասին անպայման հայտնեք ու ներողություն խնդրեք:
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)