Newmag & friends ծրագիրը ներկայացնում է Արփի Կարապետյանի «Փոքր գիրք կյանքի մեծ դասերի մասին կամ՝ բոլորս էլ մանուկ ենք եղել» գիրքը (թրեյլեր)

Գրքի հեղինակը HR մասնագետ, խորհրդատու, բիզնես-թրեյներ և ձեռնարկատեր Արփի Կարապետյանն է։ Կարիերային քոուչ, խոսնակը երկու հաջողակ ընկերությունների հիմնադիր է, ինչպես նաև բազմաթիվ հաջողված նախագծերի հեղինակ։

Նա համոզված է՝ երբեմն որոշ հարցեր կարելի է շատ ավելի հեշտ լուծել։ Ու այդ ճանապարհը հեշտ ու հանգիստ անցնելու համար առաջարկում է իր նոր գիրքը։

Մարդկային հարաբերությունների մեխանիկայում դարեդար ոչինչ չի փոխվում։ Ուղղակի դրանք ավելի ինտենսիվ են դառնում։ Ուստի, ներկան հասկանալու համար պետք է պարզապես անդրադառնալ անցյալին։

Այս և կյանքի այլ դասերի մասին Արփի Կարապետյանը գրել է «Փոքր գիրք կյանքի մեծ դասերի մասին կամ՝ բոլորս էլ մանուկ ենք եղել» գրքում, որտեղ հավաքել է անկեղծ հուշեր՝ ջերմ, առանց պաթոսի և մեծ սիրով։

«Փոքր գիրք կյանքի մեծ դասերի մասին կամ՝ բոլորս էլ մանուկ ենք եղել» գիրքը լույս է տեսել Newmag & friends ծրագրով։ Գիրքն ուղևորություն է դեպի մանկություն և ինքնաճանաչում։ 

Այն կօգնի մտորել մեր անհատականությունը ձևավորող սկզբունքների, արժեքների և վարքագծային դրսևորումների շուրջ։ Հեղինակն անդրադառնում է կյանքի կարևոր այն դասերին, որոնք մենք յուրացնում ենք դեռևս մանուկ հասակում։

Արփի Կարապետյանն ավելի քան 15 տարի դասավանդում է Հայաստանի և արտերկրի մի շարք համալսարաններում։ Առաջնորդության և մարդկային ռեսուրսների կառավարման թեմաներով ելույթներ է ունեցել ավելի քան 50 երկրներում և համայնքներում։

 «Փոքր գիրք կյանքի մեծ դասերի մասին կամ՝ բոլորս էլ մանուկ ենք եղել» ձեռնարկը հեղինակի 3-րդ գիրքն է։ Շնորհանդեսը տեղի կունենա փետրվարի 22-ին, 17:00, Opera Suite Hotel-ում, մուտքն ազատ է։