Նկարագրություն
Վանաձորում անկողնային մորն է խնամում 48-ամյա Բելլան։ Նախկին գրադարանավարն արդեն երեք տարի չի աշխատում. մոր երկարամյա հիվանդությունն ու գործազուրկ լինելու անպատվաբեր կարգավիճակն ստիպում են ապրել թոշակառուի հաշվին։ Բելլայի օրերն անգթորեն կրկնվում են. առավոտյան՝ մոր խնամք, հետո՝ խանութ, ապա՝ խոհանոց, երեկոյան՝ սերիալներ։
«... սկզբում փորձում էր կյանքից պոկել իր բաժինը, երբեմն նույնիսկ կռվում էր այդ պատառի համար։ Սակայն ամեն անգամ, կարծես, փետուր էր կորցնում իր թեւերից, որոնց գոյությանը դեռ հավատում էր։ Երբ մայրն անկողին ընկավ, կյանքն ավարտվեց, սկսվեց մահը։ Դանդաղ մահը: Այն փետուրներ չէր պոկում: Մահը խլում էր ամեն ինչ...»։
Բելլային մխիթարում էին իր «Բելլադոննա» ծաղիկները։ Դրանք գեղեցիկ էին ու թունավոր։ Նա դրանք աճեցնում էր՝ ինքն էլ չհասկանալով, թե ինչու...
Եվ ահա մի օր բազմաբնակարան շենքում է հայտնվում առույգ ու կայտառ մի աղջիկ։ Այդ երեսառած երեխան գլխիվայր է շրջում Բելլայի հաստատուն առօրյան, ստիպում ապրել, նայել շուրջբոլորը, հարցեր տալ նաեւ Գուգլին, ջազ լսել ու թեկուզ պատահաբար՝ բացահայտել անցյալի ամենացավոտ ճշմարտությունը։
Ճշմարտություն, որը տակնուվրա է անում Բելլայի հոգին։
Լրացուցիչ տեղեկություն
Օրիգինալ անունը Բելլա Բելլադոննա
Կատեգորիան Գեղարվեստական
ISBN 978-9939-884-36-3
Հրատարակության տարին 2021
Էջերի քանակը 180
Չափսը 14.5x22.3, կոշտ կազմ
Հեղինակներ
Նարինե Կռոյան
Նարինե Կռոյանը (ծնվ. 1961) գրել սկսել է հասուն տարիքում: Առաջին ժողովածուն հրատարակել է 2010-ին: Վեց գրքի հեղինակ է, գրել է հեքիաթներ, պատմվածքներ և վիպակներ: 2012-ին արժանացել է «Նարցիս» ամսագրի մրցանակին, «Օրանժ» գրքի մրցանակի կրկնակի դափնեկիր է, հաղթել է «Արձակ 2013» մրցույթում: Ապրում է ծննդավայրում՝ Վանաձորում, դասավանդում է Լոռու տարածաշրջանային պետական քոլեջում, տնտեսագիտական գիտությունների թեկնածու է:
Թողնել կարծիք